Resei búgin, 11 shildeden bastap "Soltústik aǵym" gaz qubyrymen Germaniiaǵa tabiǵi gaz aidaýdy toqtatty, - dep habarlaidy Azattyq.
Bul jóninde aldyn ala habarlanǵan — gaz qubyrynyń operatory Nord Stream AG kompaniiasynyń sózinshe, áńgime — 21 shildege deiin sozylatyn josparly profilaktika týraly. Alaida Germaniia men Eýropa odaǵynyń ózge de elderi Ýkrainadaǵy soǵystan týǵan qarsylyqqa bailanysty gaz qaita berilmeýi múmkin dep qaýiptenedi. Olai bolsa, Eýropada energetkalyq daǵdarys bolýy múmkin.
Gaz qubyry jylyna birneshe kún profilaktika maqsatynda toqtatylady. Biraq Eýropa odaǵy bul joly gaz toqtaǵanǵa deiin-aq "Soltústik aǵymnan" keletin gazdyń eki ese azaiǵanynan seskenedi. Resei azaiǵan gazdyń esesin Ýkraina arqyly ótetin gaz qubyrymen nemese ózge de joldarmen toltyrmaǵan.
"Gazprom" gaz berýdi kúrt azaitqanyn sanktsiiaǵa bailanysty Kanadanyń Siemens-ke tiesili jóndeýdegi gaz týrbinalaryn qaitarmai qoiǵanynan kórip, Rostehnadzor kompressor stantsiiasynan tapqan ózge de aqaýlarǵa siltegen. Degenmen Berlin Resei sheshiminiń saiasi astary bar dep sanaidy.
6 shildede Germaniia kantsleri Olaf Sholts "Búgin naqty aitýǵa májbúrmiz: Resei gazdy qarýǵa ainaldyryp otyr", — dep málimdegen. Sóite tura Germaniia biligi Kanadamen kelissóz jasap, Reseidiń týrbinasyn qaitaryp berýdi suraǵan. Kanada úkimeti týrbinany Reseige emes Germaniiaǵa beretin bolǵan. Al Germaniianyń týrbinany Reseige jiberetini málim. Máskeý ázirge bul jóninde pikir aitqan joq.
"Kommersant" jazýynsha, Kanada "Soltústik aǵym" týrbinasyn shamamen 14 shildede jiberedi. Ony Reseige jetkizýge shamamen eki apta ketedi, odan keiin ornatýǵa da birneshe kún kerek.
Deutsche Welle jazýyna qaraǵanda, Germaniia basshylyǵy 21 shildeden keiin "Soltústik aǵym" qubyrymen keletin Resei gazy tolyǵymen toqtaýy ábden múmkin dep sanaidy. Keibir saiasattanýshylardyń boljamynsha, Vladimir Pýtin Ýkrainadaǵy maqsatyna jetý úshin Germaniiany aýyr ekonomikalyq daǵdarysqa, odan keiin saiasi daǵdarysqa jetkizýden taiynbaýy múmkin.
Eger Resei gazy tolyq toqtaityn bolsa, Germaniia men Eýropa elderiniń kópshiliginde otyn tapshylyǵy týýy yqtimal.
Germaniia qazirdiń ózinde energiiany meilinshe únemdeýge kóshken; oǵan Eýropa odaǵy da daiyndalyp jatyr. Qazirgi maqsat – gaz saqtaityn qoimalardy jylytý maýsymy bastalǵanǵa deiin meilinshe toltyryp alý.
Taiaýda Reseidiń Novorossiisk qalasyndaǵy aýdandyq sot Qazaqstan munaiyn aidaityn Kaspii qubyr jelisi konsortsiýmynyń (KQK) jumysyn da 30 kúnge toqtatqan. Búgin, 11 shildede apelliatsiialyq sot sheshimimen bastapqy satydaǵy sot sheshiminiń kúshi joiylyp, aiyppulǵa aýystyrylǵan. Resei jaǵy ony tehnikalyq aqaýlarmen, ekologogiialyq talaptarmen bailanystyrǵan. Qazaqstan oǵan resmi qarsylyq bildirmese de Kaspii teńizi arqyly munai tasymalyn kúsheitýge kirisetinin málimdegen.
