رەسەي بٷگٸن, 11 شٸلدەدەن باستاپ "سولتٷستٸك اعىم" گاز قۇبىرىمەن گەرمانيياعا تابيعي گاز ايداۋدى توقتاتتى, - دەپ حابارلايدى ازاتتىق.
بۇل جٶنٸندە الدىن الا حابارلانعان — گاز قۇبىرىنىڭ وپەراتورى Nord Stream AG كومپانيياسىنىڭ سٶزٸنشە, ەڭگٸمە — 21 شٸلدەگە دەيٸن سوزىلاتىن جوسپارلى پروفيلاكتيكا تۋرالى. الايدا گەرمانييا مەن ەۋروپا وداعىنىڭ ٶزگە دە ەلدەرٸ ۋكرايناداعى سوعىستان تۋعان قارسىلىققا بايلانىستى گاز قايتا بەرٸلمەۋٸ مٷمكٸن دەپ قاۋٸپتەنەدٸ. ولاي بولسا, ەۋروپادا ەنەرگەتكالىق داعدارىس بولۋى مٷمكٸن.
گاز قۇبىرى جىلىنا بٸرنەشە كٷن پروفيلاكتيكا ماقساتىندا توقتاتىلادى. بٸراق ەۋروپا وداعى بۇل جولى گاز توقتاعانعا دەيٸن-اق "سولتٷستٸك اعىمنان" كەلەتٸن گازدىڭ ەكٸ ەسە ازايعانىنان سەسكەنەدٸ. رەسەي ازايعان گازدىڭ ەسەسٸن ۋكراينا ارقىلى ٶتەتٸن گاز قۇبىرىمەن نەمەسە ٶزگە دە جولدارمەن تولتىرماعان.
"گازپروم" گاز بەرۋدٸ كٷرت ازايتقانىن سانكتسيياعا بايلانىستى كانادانىڭ Siemens-كە تيەسٸلٸ جٶندەۋدەگٸ گاز تۋربينالارىن قايتارماي قويعانىنان كٶرٸپ, روستەحنادزور كومپرەسسور ستانتسيياسىنان تاپقان ٶزگە دە اقاۋلارعا سٸلتەگەن. دەگەنمەن بەرلين رەسەي شەشٸمٸنٸڭ ساياسي استارى بار دەپ سانايدى.
6 شٸلدەدە گەرمانييا كانتسلەرٸ ولاف شولتس "بٷگٸن ناقتى ايتۋعا مەجبٷرمٸز: رەسەي گازدى قارۋعا اينالدىرىپ وتىر", — دەپ مەلٸمدەگەن. سٶيتە تۇرا گەرمانييا بيلٸگٸ كانادامەن كەلٸسسٶز جاساپ, رەسەيدٸڭ تۋربيناسىن قايتارىپ بەرۋدٸ سۇراعان. كانادا ٷكٸمەتٸ تۋربينانى رەسەيگە ەمەس گەرمانيياعا بەرەتٸن بولعان. ال گەرمانييانىڭ تۋربينانى رەسەيگە جٸبەرەتٸنٸ مەلٸم. مەسكەۋ ەزٸرگە بۇل جٶنٸندە پٸكٸر ايتقان جوق.
"كوممەرسانت" جازۋىنشا, كانادا "سولتٷستٸك اعىم" تۋربيناسىن شامامەن 14 شٸلدەدە جٸبەرەدٸ. ونى رەسەيگە جەتكٸزۋگە شامامەن ەكٸ اپتا كەتەدٸ, ودان كەيٸن ورناتۋعا دا بٸرنەشە كٷن كەرەك.
Deutsche Welle جازۋىنا قاراعاندا, گەرمانييا باسشىلىعى 21 شٸلدەدەن كەيٸن "سولتٷستٸك اعىم" قۇبىرىمەن كەلەتٸن رەسەي گازى تولىعىمەن توقتاۋى ەبدەن مٷمكٸن دەپ سانايدى. كەيبٸر ساياساتتانۋشىلاردىڭ بولجامىنشا, ۆلاديمير پۋتين ۋكرايناداعى ماقساتىنا جەتۋ ٷشٸن گەرمانييانى اۋىر ەكونوميكالىق داعدارىسقا, ودان كەيٸن ساياسي داعدارىسقا جەتكٸزۋدەن تايىنباۋى مٷمكٸن.
ەگەر رەسەي گازى تولىق توقتايتىن بولسا, گەرمانييا مەن ەۋروپا ەلدەرٸنٸڭ كٶپشٸلٸگٸندە وتىن تاپشىلىعى تۋۋى ىقتيمال.
گەرمانييا قازٸردٸڭ ٶزٸندە ەنەرگييانى مەيلٸنشە ٷنەمدەۋگە كٶشكەن; وعان ەۋروپا وداعى دا دايىندالىپ جاتىر. قازٸرگٸ ماقسات – گاز ساقتايتىن قويمالاردى جىلىتۋ ماۋسىمى باستالعانعا دەيٸن مەيلٸنشە تولتىرىپ الۋ.
تاياۋدا رەسەيدٸڭ نوۆوروسسييسك قالاسىنداعى اۋداندىق سوت قازاقستان مۇنايىن ايدايتىن كاسپيي قۇبىر جەلٸسٸ كونسورتسيۋمىنىڭ (كقك) جۇمىسىن دا 30 كٷنگە توقتاتقان. بٷگٸن, 11 شٸلدەدە اپەللياتسييالىق سوت شەشٸمٸمەن باستاپقى ساتىداعى سوت شەشٸمٸنٸڭ كٷشٸ جويىلىپ, ايىپپۇلعا اۋىستىرىلعان. رەسەي جاعى ونى تەحنيكالىق اقاۋلارمەن, ەكولوگوگييالىق تالاپتارمەن بايلانىستىرعان. قازاقستان وعان رەسمي قارسىلىق بٸلدٸرمەسە دە كاسپيي تەڭٸزٸ ارقىلى مۇناي تاسىمالىن كٷشەيتۋگە كٸرٸسەتٸنٸن مەلٸمدەگەن.
