Resei Federatsiiasy Qazaqstanǵa Atyraý oblysy «Taisoiǵan» áskeri poligonyndaǵy 624 myń gektar jerdi qaitarýda, dep habarlaidy «QazAqparat».
«Reseilik áskerilerge Atyraý oblysy Qyzylqoǵa aýdanyndaǵy poligon aýmaǵynda 749,6 myń gektar jer jalǵa berilgen edi. Qazirgi tańda eki el arasynda jasalǵan kelisim boiynsha 624 myń gektar jerdi qaitarý protsesi júrgizilip jatyr», - dep habarlady oblystyq jer qatynastary basqarmasynyń basshysy Arman Bajenov Óńirlik kommýnikatsiialar qyzmetiniń brifinginde.
Reseilik áskeriler buryn poligon aýmaǵy bolǵan «Taisoiǵandy» jalǵa alsa da, ony paidalanǵan joq. Sondyqtan, bul jerlerdi sharýalarǵa berýge eshqandai kedergi joq.
