Qazaqstanǵa resmi saparmen kelgen Reseidiń Syrtqy ister ministri Sergei Lavrov Qytaidaǵy oqytý lagerlerine qatysty pikir bildirdi, dep habarlaidy "Ult aqparat".
"Bizdiń ustanymymyzdy bári jaqsy biledi. Biz ony BUU-nyń adam quqyqtary jónindegi keńesiniń otyrystary aiasynda talai ret aitqanbyz. Osy keńeste jyl saiyn sholý jasaý protsedýrasy bar. Ondai sholýlar árbir memleketke qatysty jasalady. Sol kezde Qytai birneshe ret túsinikteme bergen", - dedi Lavrov Qazaqstannyń syrtqy ister ministrliginde ótken baspasóz máslihatynda.
Resei ministri Qytaidyń oqytý lagerleri men osy eldiń saiasatyn qaralaityn aqparat shetelden taralady dep sanaidy.
"Bizde Birikken Ulttar Uiymy aiasyndaǵy protsedýralardan basqa shara joq. Men ol týraly aityp óttim. Ol - adam quqyqtary jónindegi keńestiń otyrystary", - dedi Lavrov.
