Resei Syrtqy ister ministri Sergei Lavrov Qazaqstanǵa eki kúndik saparmen kelip, Qasym-Jomart Toqaevpen kezdesedi.
Qazaqstan SIM baspasóz hatshysy Aibek Smadiiarov munyń aldynda Lavrov qazaqstandyq áriptesi Muhtar Tileýberdimen de kezdesetinin habarlaǵan. Bul aqparatty «Interfaks» jańalyqtar agenttigi jariialady.
Aibek Smadiiarovtyń aitýynsha, eki eldiń syrtqy ister ministrleri Qazaqstan-Resei yntymaqtastyǵynyń negizgi máselelerin, eki eldiń halyqaralyq uiymdar men óńirlik integratsiialyq birlestikter boiynsha ózara is-qimylyn talqylaidy. Onyń ishinde Birikken ulttar uiymy, Táýelsiz memleketter dostastyǵy, Eýraziia ekonomika odaǵy, Ujymdyq qaýipsizdik sharty uiymy, Shanhai yntymaqtastyq uiymy jáne Aziiadaǵy ózara yqpaldastyq jáne senim sharalary bar.
Eki tarap jyldyń sońyna deiin Omskde ótetin óńiraralyq yntymaqtastyqqa arnalǵan 16-forýmdy, ujymdyq qaýipsiz sharty uiymynyń Qyrǵyzstan astanasy Bishkek qalasynda ótetin sharalaryn jáne basqa da eki jaqty jáne kóp jaqty sharalardy uiymdastyrý máselelerin talqylaidy.
