Essentýki soty Ýkrainanyń burynǵy premer-ministri Arsenii Iatseniýkti qamaý týraly úkim shyǵardy.
2015 jyly Resei Tergeý komitetiniń basshysy Aleksandr Bastrykin 1994–1995 jyldary Sheshenstandaǵy birinshi soǵys kezinde Iatseniýk sheshen jikshilderimen birge federaldyq áskerge qarsy kúresken dep málimdedi. Ýkrainalyq saiasatkerge qarsy qylmystyq is qozǵaldy. 2017 jyly 21 aqpanda reseilik bilik Iatseniýkti halyqaralyq izdeýge berdi.
Arsenii Iatseniýk Essentýki sotynyń sheshimin "aqylǵa qonymsyz" dep atady. Onyń pikirinshe, "Kreml ýkrainalyq saiasatkerlerdi qýdalaýdyń quqyqtyq mehanizmderin izdestirip jatyr".
1995 jyly Iatseniýk 21 jasta edi. Bul jyldary ol ýkrainalyq Chernovtsy qalasyndaǵy ýniversitette oqityn. Sheshenstan prezidenti Ramzan Qadyrov buǵan deiin Ýkrainyń burynǵy premer-ministriniń birinshi sheshen soǵysyna qatysqany týraly bilmeitinin málimdegen edi.
