10 shildeden bastap azamattar Resei shekarasyn kesip ótý úshin PTR synamasynyń bar ekenin «Pýteshestvýiý bez COVID-19» baǵdarlamasy arqyly rastaýy qajet, dep habarlaidy "Ult aqparat".
Bul jaiynda Qazaqstanda koronavirýstyń taralýynyń aldyn alý jónindegi vedomstvoaralyq komissiia málimet taratty.
«Qazaqstan azamattarynyń nazaryna! 10 shildeden bastap Resei Federatsiiasynyń memlekettik shekarasyn kesip ótý úshin COVID-19 PTR synamasynyń bolýyn «Pýteshestvýiý bez COVID-19» baǵdarlamasy arqyly rastaý qajet bolady. Aldymen qosymshany júkteý kerek, sodan keiin ótinimde kórsetilgen tizimnen eń jaqyn zerthanany tańdaý kerek.
Osydan keiin PTR synaǵynan ótip, nátijesin alǵannan keiin QR kodyn skanerleý arqyly «Testiler» bólimindegi qosymshaǵa júkteýińiz kerek (kodty zerthana beredi). Shekaradan ótken kezde shekarashylarǵa osy kodty kórsetesiz.
Resei Federatsiiasynyń bas sanitar dárigeriniń qaýlysyndaǵy ózgeriske sáikes Eýraziia ekonomikalyq odaǵyna múshe memleket azamattary (Armeniia Respýblikasy, Belarýs Respýblikasy, Qazaqstan Respýblikasy, Qyrǵyz Respýblikasy jáne Resei Federatsiiasy) 10 shildeden bastap Resei Federatsiiasynyń memlekettik shekarasyn kesip ótken kezde «Pýteshestvýiý bez COVID-19» mobildi qosymshasyn qoldana otyryp, COVID-19 PTR-niń teris nátijesiniń bolýyn (Reseige kelgenge deiin 72 saǵattan aspaǵan) rastaýy tiis» delingen komissiia taratqan habarlamada.
