Resei, Ózbekstan, Qyrǵyzstan, Túrikmenstan, Qytaimen shekaradaǵy ótkizý beketteri jańǵyrtylady. Bul jaiynda QR Premer-Ministri Asqar Maminniń Senat depýtattary saýalyna bergen jaýabynda aitylǵan, dep habarlaidy "Ult aqparat".
«Búgingi kúni Infraqurylymdy damytýdyń 2020-2025 jyldarǵa «Nurly jol» memlekettik baǵdarlamasy aiasynda Qazaqstan Respýblikasynyń memlekettik shekarasyndaǵy ótkizý pýnkteriniń infraqurylymyn damytý jáne tehnikalyq jaraqtandyrý kózdelgen. Osylaisha, Resei Federatsiiasymen shekarada 2020-2025 jyldar aralyǵynda kezeń-kezeńimen 27 avtomobil jáne 11 temirjol ótkizý pýnktilerin rekonstrýktsiialaý josparlanýda. Osy sharalardy iske asyrý Indýstriia jáne infraqurylymdyq damý ministrligi men Resei Federatsiiasy Kólik ministrliginiń arasyndaǵy ótkizý pýnktileriniń jumys isteýi jónindegi birlesken is-qimyl jospary aiasynda júrgiziledi», - dedi Premer-Ministr.
Úkimet basshysynyń atap ótýinshe, atalǵan jospardy iske asyrý úshin ministrlik rekonstrýktsiialaýdyń naqty merzimderi men júzege asyrý kezeńderi aiqyndalǵan Ótkizý pýnkterin rekonstrýktsiialaý jónindegi jol kartasyn ázirledi jáne oǵan qol qoidy. Ol Resei Federatsiiasynyń Kólik ministrliginde qol qoiylý satysynda.
«Aiaqtalýy osy jyldyń sońyna kózdelgen Qyrǵyzstanmen shekarada «Qordai» ótkizý pýnktin rekonstrýktsiialaý josparlanǵan. Bul rette Qazaqstan-Qyrǵyzstan shekarasyndaǵy qalǵan ótkizý pýnktterin rekonstrýktsiialaýdy 2025 jyldyń sońyna deiin iske asyrý josparlanýda. Sondai-aq 2020 jyldyń sońyna deiin biýdjettik qarajat esebinen Qazaqstan-Ózbekstan shekarasyndaǵy «B. Qonysbaev» ótkizý pýnktin rekonstrýktsiialaý jáne tehnikalyq jaraqtandyrý jumystaryn aiaqtaý josparlanýda. Qytai Halyq Respýblikasynyń Úkimettik jeńildik qaryzy aýqymynda Qytai Halyq Respýblikasynyń (4 avtomobil jáne 1 temirjol), Ózbekstan Respýblikasynyń (4 avtomobil), Túrkimenstan Respýblikasynyń (1 avtomobil) shekaralarynda 10 avtomobil jáne 1 temirjol ótkizý pýnktin jańǵyrtý jáne tehnikalyq jaraqtandyrý júrgizý josparlanýda»,- dedi Asqar Mamin.
Aita keteiik, Senat depýtattarynyń Premer-Ministr atyna joldanǵan saýalynda ótkizý beketterindegi kemshilikter atap ótilgen.
«Jaǵdaidy jaqsartý baǵytynda azdap ilgerileýshilik bar, ony aita ketkenimiz jón, biraq jalpy jaǵdai qanaǵattanarlyqsyz. Memlekettik shekara arqyly ótetin 27 temirjol ótkizý pýnktiniń tek 4-eýi ǵana belgilengen talaptarǵa saikes keledi. Reseimen shekaradaǵy 20 temirjol ótkizý pýnktiniń infraqurylymy áli de jóndeýdi talap etedi. Bul sózsiz shekaralyq baqylaýdyń sapasyna áser tigizedi. Avtokólik ótkizý pýnktteriniń infraqurylymynyń talaptarǵa sai kelmeýine bailanysty (barlyǵy 52, onyń ishinde QHR shekarada – 5 jáne «Qorǵas» ShYHO-nyń 1 ótkizý pýnkti, QR - 7, ÓR - 8, TR - 1, RF - 30) Resei, Qyrǵyzstan jáne Ózbekstanmen shekarada júk kólik quraldarynan keptelister jii bolyp turady», - dedi senatorlar.
