Jolaýshylar tasymaly» kompaniiasy poiyz biletine degen suranystyń artýyna bailanysty saittyń kei kezde istemei qalýyna túsinistikpen qaraýdy suraidy, dep habarlaidy "Ult aqparat".
Kompaniia Resei men Qyrǵyz Respýblikasyna barý úshin bilet alý tártibine ózgerister engizilgenin habarlaidy. Atap aitqanda, atalǵan eki eldiń shekarasyn kesip ótýge engizilgen ýaqytsha shekteýge sáikes búginnen bastap poiyz biletin tek jeke tólqujat nemese sheteldik tólqujat bar kezde ǵana resimdeýge bolady. Atalǵan elderge barý úshin bilet satyp alarda jeke kýálikti paidalaný tártibi ýaqytsha shekteledi.
«Osy jyldyń 12-13 naýryzynda biletterdi qaitarý jáne satyp alý boiynsha azamattar jii kirgendikten, «QTJ» AQ-tyń BILET.RAILWAYS.KZ saity baiaý qyzmet kórsetti. 13 naýryz kúni saǵat túngi 23.45 kezinde saittyń jumysqa qabilettigi qaita qalpyna keltirildi. Sondai-aq qazirgi tańda «Jolaýshylar tasymaly» AQ-tyń barlyq bilet kassasy shtattyq rejimde jumys istep tur», - dep habarlaidy kompaniiadan.
«Jolaýshylar tasymaly» bilet satyp alatyn sait istemei tursa túsinistikpen qaraýǵa shaqyrady. Sebebi kei kezderi biletke suranys artyp ketetin kórinedi.
«Biletti qolma-qol aqshamen de, aýdarymmen de qaitarýǵa bolady. Naqtyraq aitqanda poiyz júrmei turyp 24 saǵat buryn bilet tapsyrylǵan jaǵdaida tolyq soma qaitarylady», - dep habarlaidy kompaniiadan.
