Resei koronavirýs juqtyrǵandar sany boiynsha Frantsiiadan ozyp, álem boiynsha altynshy orynǵa shyqty, dep habarlaidy "Ult aqparat" TASS agenttigine silteme jasap.
Reseide sońǵy táýlikte koronavirýs infektsiiasyn juqtyrǵandar 10 633 adamǵa kóbeiip, jalpy sany 134 687-ge jetti. 16 639 adam jazylyp shyqsa, 1280 adam qaitys boldy, dep habarlady jeksenbi kúni koronavirýs infektsiiasynyń taralýymen kúres jedel shtaby.
Sońǵy málimet boiynsha, indettiń táýliktik ósý qarqyny - 8,6%. Jańa tirkelgen jaǵdailardyń 5 345-inde (50,3%) aýrý belgileri baiqalmaǵan.
Jańa juqtyrý jaǵdailary 85 aimaqta tirkeldi. Onyń 5948-i - Máskeýde, 822-i - Máskeý oblysynda, 295 - Sankt-Peterbýrgta, 252 - Nijegorod oblysynda, 238 - Mýrmanda jáne 136-y - Daǵystanda.
Táýlik ishinde 67 aimaqta 1626 adam aýrýhanadan shyǵarylyp, 58 adam qaitys boldy.
Virýs juqtyrǵandar sany boiynsha Máskeý kósh bastap tur. Onda 68 606 adam tirkelgen. Odan keiingi oryndarda Podmoskove (14 136), Sankt-Peterbýrg (5 029), Nijegorod oblysy (2 695), Daǵystan (1 798), Mýrmanck (1694) oblystary tur.
Juqtyrǵandar sany 1000-nan asqan aimaqtarǵa Leningrad oblysy, Tatarstan men Bashqurtstan qosyldy. Jalpy mundai 16 aimaq bar.
