Reseilik ǵalymdar ázirlegen "2019-nCoV jańa koronavirýsynyń zerthanalyq diagnostikasyna arnalǵan zattar" Eýraziialyq ekonomikalyq odaq (EAEO) pen TMD elderine berildi, - dep habarlaidy Sputnik Qazaqstan.
"2020 jyldyń 1 jáne 2 aqpanynda 2019-nCoV virýsyn anyqtaýǵa arnalǵan reseilik test-júielerdiń qajetti mólsheri Armeniia, Belarýs, Qazaqstan men Ózbekstan respýblikalaryna berildi. Buǵan qosa, Qyrǵyzstan men Tájikstanǵa jetkizý josparlanyp otyr", - delingen Reseidiń tutynýshylyq qadaǵalaý qyzmetiniń saitynda.
Olar seriktes elderge tegin taratyldy, delingen aqparatta.
Test-júieler "Vektor" memlekettik virýsologiia jáne biotehnologiialar ǵylymi ortalyǵynyń bazasynda ázirlengen.
Qytaida qaýipti virýstyń taralýy
Qytai biligi 2019 jyldyń 31 jeltoqsanynda Ýhan qalasynda belgisiz pnevmoniianyń taralǵany týraly habarlady. Mamandar aýrý 2019-nCoV koronavirýsynan paida bolǵanyn anyqtady.
Qytaida koronavirýs juqtyrǵandar sany 17,2 myń adamnan asty, 361 naýqas qaza tapty. Taǵy shamamen 150 azamat Qytaidan tys jerde aýyryp qaldy, olardyń bireýi kóz jumdy.
Dúniejúzilik densaýlyq saqtaý uiymy indettiń taralýyn halyqaralyq mańyzdy tótenshe jaǵdai dep jariialady.
Qazaqstanda koronavirýs juqtyrý jaǵdailary joq. Respýblika Qytaimen áýe jáne temirjol qatynasyn ýaqytsha toqtatty.
