2020 jyldyń 1 qyrkúieginen bastap Reseidegi kolledjderde mamandyqtardyń tizimi ózgeredi. Bul týraly «Rossiiskaia gazetaǵa» interviýda aǵartý ministri Olga Vasileva aitty, dep jazdy lenta.ru.
Sońǵy bes jylda talapkerlerdiń suranysy bolǵan 100 pozitsiia mamandyqtar tiziminen alynyp tastalady. Olardyń arasynda: «emal ydys daiarlaý», «qaǵaz óndirisinde qurǵatýshy», «toqymashy», «kesteshi», «elektron tehnika zattaryn jinaý» jáne «radiooperator» bar.
Ministrdiń aitýynsha, keibir mamandyqtar eskirdi, keibiri joǵaldy, úshinshi bireýin qysqamerzimdi kýrstardan meńgerýge bolady.
Olardyń ornyna basqa mamandyqtar keledi: «mehatronika jáne mobildi robot tehnikasy», «additiv tehnologiialar», «tehnikalyq eksplýatatsiia jáne robottalǵan ónimdi baptaý» jáne grafikalyq dizain.
Buǵan deiin Reseide 2030 jylǵa qarai birneshe mamandyq joǵalyp, 15 million adam jumyssyz qalatyny belgili bolǵan.
