Foto: kherson-news.ru
Resei senbige qaraǵan túni Ýkrainanyń Kiev, Dnepr, Harkov jáne Kremenchýg qalalaryn jappai raketamen atqylady. Eldiń barlyq aimaǵynda áýe dabyly iske qosyldy. Ýkrainanyń áýe-áskeri kúshteri Resei áskeri Kaspii akvatoriiasynan H-101/555 qanatty zymyranyn ushyrǵanyn habarlady.
Kiev meri Vitalii Klichko Ýkraina astanasyndaǵy Solomen aýdanynda jarylys bolǵanyn málimdedi. Onyń sózinshe, kópqabatty turǵyn úige raketa túsip, órt bastalǵan. Oqiǵa ornynda qutqarý qyzmeti jumys istep jatyr. Sońǵy málimet boiynsha, eki beibit turǵyn zardap shekken: bireýi aýrýhanaǵa jatqyzylǵan, bireýine oqiǵa ornynda kómek kórsetilgen.
Al Harkov meri Igor Terehov qalanyń Slobod aýdanyna S-300 raketasymen soqqy jasalǵanyn habarlady.
Resei Qorǵanys ministrligi soqqyǵa túsinikteme bergen joq.
