Nobel syilyǵynyń laýreaty, Polshanyń burynǵy prezidenti Leh Valensa Resei halqynyń sanyn 50 millionǵa deiin qysqartýǵa shaqyrdy, dep habarlaidy inbusiness.kz Le Figaro basylymyna silteme jasap.
"Reseide 60 ult ómir súredi, olar sińisip ketken, ýkraindar da solai jutylýy múmkin. Biz bul halyqtardyń kóterilýine kómektesýimiz kerek. Reseidiń saiasi júiesin ózgertý kerek nemese Resei halqynyń sanyn 50 millionǵa deiin azaitý kerek", – dedi Valensa.
Onyń aitýynsha, eldegi saiasi júieniń aýysýyn tezdetip, halyqtardyń kóterilisin uiymdastyrý qajet.
"Ýkraina bul soǵysta jeńiske jetse de, bes jyldan keiin de jaǵdai ózgere qoimas, al on jyldan keiin biz taǵy bir "Pýtinniń" paida bolǵanyna kýá bolamyz. Eger bul eldiń saiasi júiesin ózgertý múmkin bolmasa, onyń ydyraýy álemdik qaýipsizdikti qamtamasyz etedi", – dep basyp aitty Valensa.
Polshanyń eks-prezidenti Batys óz yqpalyn keńeitýge múddeli ekendigin aitty.
"Biz Batystyń óz yqpalyn demokratiialyq jolmen NATO arqyly, Eýropalyq Odaq arqyly keńeitip jatqanyn túsinýimiz kerek. Resei bolsa, zorlyq-zombylyqqa júginip óz ústemdigin ornatpaqshy", – dedi saiasatker.
