نوبەل سىيلىعىنىڭ لاۋرەاتى, پولشانىڭ بۇرىنعى پرەزيدەنتٸ لەح ۆالەنسا رەسەي حالقىنىڭ سانىن 50 ميلليونعا دەيٸن قىسقارتۋعا شاقىردى, دەپ حابارلايدى inbusiness.kz Le Figaro باسىلىمىنا سٸلتەمە جاساپ.
"رەسەيدە 60 ۇلت ٶمٸر سٷرەدٸ, ولار سٸڭٸسٸپ كەتكەن, ۋكرايندار دا سولاي جۇتىلۋى مٷمكٸن. بٸز بۇل حالىقتاردىڭ كٶتەرٸلۋٸنە كٶمەكتەسۋٸمٸز كەرەك. رەسەيدٸڭ ساياسي جٷيەسٸن ٶزگەرتۋ كەرەك نەمەسە رەسەي حالقىنىڭ سانىن 50 ميلليونعا دەيٸن ازايتۋ كەرەك", – دەدٸ ۆالەنسا.
ونىڭ ايتۋىنشا, ەلدەگٸ ساياسي جٷيەنٸڭ اۋىسۋىن تەزدەتٸپ, حالىقتاردىڭ كٶتەرٸلٸسٸن ۇيىمداستىرۋ قاجەت.
"ۋكراينا بۇل سوعىستا جەڭٸسكە جەتسە دە, بەس جىلدان كەيٸن دە جاعداي ٶزگەرە قويماس, ال ون جىلدان كەيٸن بٸز تاعى بٸر "پۋتيننٸڭ" پايدا بولعانىنا كۋە بولامىز. ەگەر بۇل ەلدٸڭ ساياسي جٷيەسٸن ٶزگەرتۋ مٷمكٸن بولماسا, ونىڭ ىدىراۋى ەلەمدٸك قاۋٸپسٸزدٸكتٸ قامتاماسىز ەتەدٸ", – دەپ باسىپ ايتتى ۆالەنسا.
پولشانىڭ ەكس-پرەزيدەنتٸ باتىس ٶز ىقپالىن كەڭەيتۋگە مٷددەلٸ ەكەندٸگٸن ايتتى.
"بٸز باتىستىڭ ٶز ىقپالىن دەموكراتييالىق جولمەن ناتو ارقىلى, ەۋروپالىق وداق ارقىلى كەڭەيتٸپ جاتقانىن تٷسٸنۋٸمٸز كەرەك. رەسەي بولسا, زورلىق-زومبىلىققا جٷگٸنٸپ ٶز ٷستەمدٸگٸن ورناتپاقشى", – دەدٸ ساياساتكەر.
