© Sputnik / Pavel Lisitsyn
Resei qazaqstandyq kómirdiń Ýkrainaǵa tranzitin buǵattaǵan joq, dep habarlaidy Sputnik Qazaqstan.
Indýstriia jáne infraqurylymdyq damý ministrliginiń baspasóz hatshysy Madiiar Ýaqpaev atalǵan máselege túsinikteme berdi.
"Resei kómir tasymalyn tolyǵymen buǵattaǵan joq. Biraq reseilik taraptaǵy infraqurylymnyń shamadan tys júktemesine bailanysty birqatar shekteý engizildi", - dedi Ýaqpaev.
4 qarashada Joǵarǵy radanyń energetika jáne turǵyn úi-kommýnaldyq máseleleri jónindegi komitetiniń basshysy Andrei Gerýs qarashada qazaqstandyq kómirdiń Ýkrainaǵa jetkizilýi tolyǵymen buǵattaldy dep málimdedi.
"Resei temir joly el aýmaǵy arqyly kómir tielgen mundai vagon qozǵalysyn rastaǵan joq", - dep jazdy Gerýs Telegram-da.
Ol shekteý tek energetikalyq kómirge engizilgenin, kokstelgen kómirge qatysty emes ekenin atap ótti.
Gerýstyń aitýynsha, birinshi qarashadan bastap Resei ýkrainalyq jylý elektr stantsiialaryna jetkiziletin kómir tranzitin tolyqtai toqtatqan. RIA Novosti portalyna atalǵan aqparatty RF ekonomikalyq damý ministrligi rastady.
Bul Reseidiń ishki naryǵynda energetikalyq kómirge degen suranystyń artýyna bailanysty bolyp otyr. Alaida Resei kompaniialary Ýkrainaǵa basqa kómir túrlerin jetkizýdi jalǵastyra beredi.
Qyrkúiekte Ýkrainanyń energetika ministrliginiń basshysy German Galýshenko elde jylytý maýsymyna qajetti josparlanǵan kómir qory jinalmaǵanyn aityp, ishki naryqtaǵy kómir óndirisi men importty arttyrý kózdelip otyrǵanyn aitty.
Ýkrainanyń premer-ministri Denis Shmygal eýropalyq energetika daǵdarysyna qaramastan, memleket jylytý maýsymyna júz protsent daiyn ekenin málimdegen bolatyn.
