Foto: Aqorda
Jahandyq syn-qaterlerge qaramastan elderimiz tatý kórshilik pen san salaly yntymaqtastyqtyń úlgisin kórsetip keledi. Prezidenttiń «Izvestiia» gazetinde jariialanǵan maqalasynda Qazaqstan men Resei arasyndaǵy mádeni-gýmanitarlyq bailanys qarqyndy damyp kele jatqandyǵy aityldy:
· Qazaqstanda Reseidiń 23 myń kompaniiasy tabysty jumys istep jatyr. Onyń 4 myńy sońǵy bir jyldyń ishinde quryldy.
· 2023 jyly Resei kompaniialary Qazaqstanǵa 3 mlrd dollardan astam investitsiia saldy.
· Eki jaqtyń shekara mańyndaǵy aýdandarynda 32 millionǵa jýyq adam turady.
· «Eshkim de, eshteńe de umytylmaidy»: Elderimiz Uly Jeńistiń 80 jyldyǵyn laiyqty atap ótýge daiyndalyp jatyr.
· Reseidiń basty murajailary – Tretiakov galereiasynda jáne Ermitajda Qazaqstannyń kórmesi ashylady.
· Resei bastamasymen qolǵa alynǵan «Bolashaq oiyndarynyń» kezekti saiysy 2026 jyly Qazaqstanda ótedi.
· Elimizdiń ońtústik aimaqtarynda Resei mektepterin ashýdy josparlap otyrmyz. Irgeles jatqan Resei qalalarynda Qazaqstan mektepteri ashylady dep senemiz.
· Astanada Máskeý memlekettik halyqaralyq qatynastar institýtynyń filialyn, al Ombyda ál-Farabi atyndaǵy Qazaq ulttyq ýniversitetiniń ókildigin ashý josparymyzda bar.
· Bizdiń el Táýelsiz memleketter dostastyǵy aiasynda Orys tiline qatysty halyqaralyq uiym qurý týraly bastama kóterdi. Uiym orys tilin qoldaý jáne ony nasihattaý úshin TMD elderi arasyndaǵy bailanysty damytý máselesimen ainalysatyn bolady.
· Tarihtyń qaqtyǵysqa jáne apatqa toly kúrdeli kezeńinde Reseidiń senimdi strategiialyq seriktesi ári odaqtasy bolyp qala beremiz".
