Qutqarýshylar bir táýlik ishinde Reseidiń Irkýtsk oblysyndaǵy sý basqan aýdandardan myńnan astam adamdy evakýatsiialady, dep habarlaidy QazAqparat TASS agenttigine silteme jasap.
«1 myń 76 adam, sonyń ishinde 615 bala qaýipsiz jerge kóshirildi. Qazir ýaqytsha ornalastyrý pýnktterinde 41 adam bar, sonyń segizi – bala», - delingen habarlamada.
Jeksenbi kúngi nóser saldarynan oblystyń alty aýdany: Nijneýdinsk, Cheremhovsk, Týlýnsk, Shelehovsk, Sliýdiansk, Ziminsk aýdandary sýdyń astynda qalǵan. Dúisenbi kúni 07:00-degi derek boiynsha, 147 turǵyn úidi, 42 úidiń aýlasyn, 269 úi mańyndaǵy aýmaqty sý basqan.
Irkýtsk oblystyq gidrometeorologiia jáne qorshaǵan ortaǵa monitoring júrgizý basqarmasynyń aqparatyna qaraǵanda, óńirdiń ońtústik aýdandarynda nóser dúisenbi kúni de tolastamaq emes.
Tótenshe jaǵdaiǵa shuǵyl qyzmetter ázir tur. Turǵyndarǵa buqaralyq aqparat quraldary, sms-habarlamalar arqyly habar berilip otyr.
