Mash Telegram-kanaly Reseidiń liberal-demokratiialyq partiiasynyń jetekshisi, tanymal saiasatker Vladimir Jirinovskii ómirden ótkenin habarlady. Alaida eldiń Densaýlyq saqtaý ministrligi bul aqparatty joqqa shyǵardy, dep jazady NUR.KZ portaly RIA Novosti agenttigine silteme jasap.
Resei Densaýlyq saqtaý ministrliginiń málimetinshe, Jirinovskiidiń jaǵdaiy birqalypty. Oǵan dárigerler qoldan kelgen kómektiń barlyǵyn kórsetip jatyr.
Sonymen qatar, Memlekettik Dýma spikeri Viacheslav Volodin da saiasatkerdiń ómirden ótkeni jaily aqparatty joqqa shyǵardy.
"Men Vladimir Volfovich Jirinovskiidiń densaýlyǵyna alańdap otyrǵan barlyq jandy sabyrǵa shaqyrǵym keledi. Ol tiri. Jaǵdaiy shynymen aýyr. Búgin kompiýterlik tomografiiadan ótti. Ol úshin bizde alańdap otyrmyz, dárigerler onyń ómiri úshin kúresip jatyr. Oǵan tezirek saýyǵyp ketýdi tileiik", - dep jazdy Volodin óziniń Telegram-kanalynda.
Aita keteiik, Vladimir Jirinovskii aqpan aiynyń basynda aýrýhanaǵa jatqyzylǵan bolatyn. Sodan beri saiasatker emdeý mekemesinde jatyr.
