Foto: smart.astana.kz
Mádeniet jáne aqparat ministri Aida Balaeva sońǵy ýaqytta kórshi Resei ártisteri kontsertteriniń ótpei qalýyna qatysty pikir bildirdi. Onyń ishinde Maksim Galkinniń jeke kontserti de bar, dep habarlaidy QazAqparat.
«Men bul máseleni saiasilandyrǵym kelmeidi. Óitkeni kontsertter uiymdastyrýmen kommertsiialyq uiymdar ainalysady. Meni otandyq ártisterdiń, onyń ishinde kontsertterge daiyndalyp jatqan mádeniet qairatkerleriniń kontsertteri nege ótpeitini mazalaidy. Maksim Galkinniń kontsertine qatysty túsinikteme berildi. Kontserttiń ótpeýi saiasatpen nemese jeke máselelermen bailanysty emes", - dedi Aida Balaeva ortalyq kommýnikatsiialar qyzmeti alańynda ótken baspasóz máslihatynda.
Sondai-aq, ministr mádeniet pen ónerdiń saiasattan tys ekenin aitty.
«Kez-kelgen janrdaǵy barlyq oryndaýshylardyń missiiasy, eń aldymen, halyqqa rýhani jáne mádeni turǵydan azyq berý. Men munda eshqandai sýbtekst kórip turǵan joqpyn, másele talqylaýǵa jatpaityn siiaqty», - deidi Balaeva.
