Ekstremaldy sportshy Sergei Boitsov Altai ólkesinde stratosferadan parashiýtpen sekirip, álemdik rekord ornatty. Ol jylý aerostatynan 11,5 shaqyrym biiktikten sekirgen, dep habarlaidy ult.kz "Vedomosti" basylymyna silteme jasap.
Sportshynyń aitýynsha, bul joba tek sporttyq jetistikpen shektelmeidi. Onyń aitýynsha, rekordtyq sekirý 2026 jyly Ekaterinbýrgte ótetin Halyqaralyq jastar festivaline orailastyrylǵan.
«Bul joba sporttyq jetistikten áldeqaida aýqymdy. Biz úshin bul ǵylym, tehnologiia jáne adam rýhynyń kúshin biriktiretin simvol», – dedi Sergei Boitsov.
Uiymdastyrýshylardyń málimetinshe, 11,5 shaqyrym biiktikte aýa temperatýrasy –50...–60°C-qa deiin tómendeidi, al aýanyń tyǵyzdyǵy jer betindegi kórsetkishtiń tórtten birinen de az bolady. Sondyqtan mundai biiktikten sekirý kúrdeli injenerlik sheshimderdi jáne arnaiy jabdyqtardy qajet etedi.
Boitsov rekordtyq sekirýge arnaiy daiyndalǵan. «Roskosmostyń» qoldaýymen ol barokamerada synaqtan ótip, aerodinamikalyq qubyrda qajetti áreketterdi pysyqtaǵan. Sondai-aq –60°C temperatýraǵa arnalǵan arnaiy ekipirovkany synaqtan ótkizgen.
Aita keteiik, 12 maýsymda Sergei Boitsov «Moskva-Siti» biznes ortalyǵyndaǵy «Merkýrii» munarasynan da parashiýtpen sekirgen. Bul aktsiia Resei kúnine orai uiymdastyrylyp, sportshy shamamen 100 metr biiktikten sekirgen.
