QR Bilim jáne ǵylym ministri Ashat Aimaǵambetov rektorlardy konkýrstyq negizde taǵaiyndaý nátijesinde qandai artyqshylyqtarǵa qol jetkizge bolatyndyǵyn túsindirip berdi, dep habarlaidy "Ult aqparat".
«Memleket basshysynyń Jarlyǵymen ulttyq JOO-nyń rektorlaryn taǵaiyndaý tártibi ózgerdi. Menińshe, bul mańyzdy sheshim. 2008 jyldan bastap ulttyq joǵary oqý oryndarynyń rektorlaryn QR Prezidenti taǵaiyndap keldi. Bul sheshim sol kezdegi iri joǵary oqý oryndaryna basqarý jáne akademiialyq derbestik berý qajettiliginen týyndaǵan bolatyn. «Nazarbaev Ýniversiteti» DBBU jumysynyń mysalynda ulttyq ýniversitetterdiń jumysyna Bilim jáne ǵylym ministrligi tikelei aralaspaýdy kózdedi. Mundai saiasat óz nátijesin berdi», - dep jazady ministr Facebook-tegi paraqshasynda.
Degenmen, onyń paiymynsha, básekeniń joqtyǵy jáne «Prezident taǵaiyndaýy» mártebesi oqý ornynyń damýyna oń yqpalyn tigizbeidi. Sonymen qatar, ótken jyly Akademiialyq jáne basqarý derbestigi týraly zańnyń qabyldanýyna bailanysty barlyq joǵary oqý oryndary qosymsha ókilettikter men erkindikkke qol jetkizdi. Sol sebepti Memleket basshysy 2019 jyldan bastap ulttyq joǵary oqý oryndarynyń rektorlaryn konkýrstyq negizde taǵaiyndaý týraly sheshim qabyldady.
«Rektorlardy konkýrstyq negizde taǵaiyndaý nátijesinde qandai artyqshylyqtarǵa qol jetkizemiz? Birinshiden, ashyq konkýrs. Bul kezeńde rektor laýazymy kandidatýrasy talaptaryna sáikes keletin kez kelgen adam konkýrsqa qatysýǵa ótinish bere alady. Ekinshiden, aiqyndylyq. Barlyq kandidattar tiisti JOO-nyń Baqylaý keńesinde áńgimelesýden ótedi. Úshinshiden, baǵdarlamalar saiysy men básekelestik. Budan ári, Bilim jáne ǵylym ministriniń tóraǵalyǵymen respýblikalyq komissiia úmitkerleri usynyp otyrǵan «Joǵary oqý oryndaryn damytý baǵdarlamalary» jobalaryn qarastyrady. Tórtinshiden, qoǵam aldyndaǵy jaýapkershilik», - dedi Ashat Aimaǵambetov.
