Ortalyq sailaý komissiiasynyń sońǵy aqparatna sensek, elimizde azamattardyń 68 paiyzdan astamy referendýmda daýys bergen. Alaida Almatynyń kórsetkishi tómen. Bul - úlken shaharlar úshin qalypty jaǵdai. Bul týraly Eýraziialyq franchaizing qaýymdastyǵynyń prezidenti, ekonomist, qoǵam belsendisi Beknur Qisyqov brifing barysynda málim etti, dep habarlaidy QazAqparat.
Spikerdiń sózinshe, Almaty qalasy buǵan deiingi sailaýlarda da joǵary kórsetkish kórsetpegen.
«Bul - iri qalalarǵa tán jaǵdai. Mysaly, Niý-Iork, Ystanbulda da saiasi naýqanǵa qatysý statistikasy osyndai. Almaty da sondai fenomenge kirip tur dep oilaimyn. Degenmen referendým kópshiliktiń qyzyǵýshylyǵyn oiatty. Máselen, qalada jumys istep júrgen ózge aimaqtyń adamdary da daýys berý múmkindigi paidalana almady. Kóbi tirkeý talonyn aldyn ala almappyz dep ókinip jatty. Jalpy, referendým jaqsy deńgeide ótti», - deidi Beknur Qisyqov.
Almatyda saǵat 20.00-de referendým ýchaskeleriniń esigi jabylyp, biýlletenderdi sanaý bastaldy.
Aita keteiik, Almatyda jalpy halyqtyq referendýmda 574 ýchaske jumys istedi.
