ورتالىق سايلاۋ كوميسسيياسىنىڭ سوڭعى اقپاراتنا سەنسەك, ەلٸمٸزدە ازاماتتاردىڭ 68 پايىزدان استامى رەفەرەندۋمدا داۋىس بەرگەن. الايدا الماتىنىڭ كٶرسەتكٸشٸ تٶمەن. بۇل - ٷلكەن شاھارلار ٷشٸن قالىپتى جاعداي. بۇل تۋرالى ەۋرازييالىق فرانچايزينگ قاۋىمداستىعىنىڭ پرەزيدەنتٸ, ەكونوميست, قوعام بەلسەندٸسٸ بەكنۇر قيسىقوۆ بريفينگ بارىسىندا مەلٸم ەتتٸ, دەپ حابارلايدى قازاقپارات.
سپيكەردٸڭ سٶزٸنشە, الماتى قالاسى بۇعان دەيٸنگٸ سايلاۋلاردا دا جوعارى كٶرسەتكٸش كٶرسەتپەگەن.
«بۇل - ٸرٸ قالالارعا تەن جاعداي. مىسالى, نيۋ-يورك, ىستانبۇلدا دا ساياسي ناۋقانعا قاتىسۋ ستاتيستيكاسى وسىنداي. الماتى دا سونداي فەنومەنگە كٸرٸپ تۇر دەپ ويلايمىن. دەگەنمەن رەفەرەندۋم كٶپشٸلٸكتٸڭ قىزىعۋشىلىعىن وياتتى. مەسەلەن, قالادا جۇمىس ٸستەپ جٷرگەن ٶزگە ايماقتىڭ ادامدارى دا داۋىس بەرۋ مٷمكٸندٸگٸ پايدالانا المادى. كٶبٸ تٸركەۋ تالونىن الدىن الا الماپپىز دەپ ٶكٸنٸپ جاتتى. جالپى, رەفەرەندۋم جاقسى دەڭگەيدە ٶتتٸ», - دەيدٸ بەكنۇر قيسىقوۆ.
الماتىدا ساعات 20.00-دە رەفەرەندۋم ۋچاسكەلەرٸنٸڭ ەسٸگٸ جابىلىپ, بيۋللەتەندەردٸ ساناۋ باستالدى.
ايتا كەتەيٸك, الماتىدا جالپى حالىقتىق رەفەرەندۋمدا 574 ۋچاسكە جۇمىس ٸستەدٸ.
