Búkil qazaqstandyqtardy dúrliktirgen Qańtar oqiǵasy elimizdiń áleýmettik salasynda ǵana emes saiasi júiesinde de olqylyqtar oryn alyp otyrǵanyn kórsetti.
Memleket Basshysy Qasym-Jomart Kemeluly Toqaev telearnalarǵa suhbattar berip, Úndeý de jasady. Halyqtyń aldyna barlyq máseleni jaiyp saldy, elden usynystar kútti. Halyqpen keri bailanys ornatýdyń naqty qadamdaryna bardy. Barlyq usynystar men pikirlerdi elekten ótkizip baryp, Joldaýyn jariialady.
Bul Joldaýdyń baǵyty - barlyq salada qoǵamnyń búkil sanattarynyń tepe-teńdigin saqtai otyryp, saiasi-quqyqtyq júiede ádiletti reforma jasaý. Halyqtyń oiynan shyǵatyn zańnamalyq qurylymdyq júieni jetildirý arqyly ǵana Ádiletti saiasi quqyqtyq reforma týatyny túsinikti.
Memleket basshysy Qasym-Jomart Toqaevtyń "Jańa Qazaqstan: Jańarý men Jańǵyrý joly" Joldaýyna taldaý jasaǵanymda eń kóp kezdesetin sózder memleket 67 ret, qoǵam 55 ret, elimiz 45 ret, zań 44 ret, sailaý 40 ret, Qazaqstan, adam, saiasi sózderi 39 retten, júie 35 ret qaitalanady. Bul sózder - negizgi nysanany anyqtaityn qulyp ashar sózder. Memleket basshysynyń aitqysy kelgeni memleket pen qoǵamnyń arasyndaǵy bailanysty jaqsartý, qoǵamnyń únin bilikke jetkizip, elimizde zańnyń ústemdigin qamtamasyz etý arqyly sailaý júiesine ózgeris endirý. Demek, Qazaqstanda adam quqyqtaryn qorǵaý maqsatynda saiasi júie de jańǵyratyn bolady degen tujyrymdy elge jetkizgeni. Osy ýaqytqa deiin 1995 jylǵy Ata zańymyz búkilhalyqtyq referendým arqyly dúniege kelse, sodan beri ýaqyt talabyna sáikes, Ata zańymyzdyń 64 babyna qatysty, 1998, 2007, 2011, 2017, 2019 jyldarda bes ret ózgerister men tolyqtyrýlar engizilipti. Bul - zańdylyq. Zaman ózgeredi, zań ózgeredi degen ataly sózdiń túiini, jaýaby. Onyń ústine bizdiń memleketimiz basqa batys, shyǵys elderimen salystyrǵanda anaǵurlym jas memleket.
Qoldanystaǵy Konstitýtsiiamyzdyń 33 babyna ózgeris engizilýi týraly másele óte aýqymdy bolǵanyn eskere otyryp, Memleket Basshysy Respýblikalyq Referendým týraly zańnyń 18 babyna sáikes, referendým taǵaiyndaý týraly Jarlyqqa qol qoidy. Respýblikalyq referendým týraly zań IV-taraýdan, 37 baptan turady. Konstitýtsiialyq reformalar strategiialyq bolǵandyqtan halyqtyń qoldaýy asa qajet. Referendým daýys berýdiń eń demokratiialyq túri ári tikelei halyqtyń erkin bildiredi,el pikirimen sanasýdyń eń joǵarǵy satysy. Referendým arqyly usynylyp otyrǵan Konstitýtsiiamyzdyń nusqasynda eshqandai bir tarmaqta, ne bapta Prezidenttiń ókilettigine artyqshylyq kórsetilmegen, qaita Sýperprezidenttik basqarýdan birtindep kóship yqpaldy Parlament mártebesin kóterý, jáne Prezidenttiń jaqyn týystaryna saiasi laýazym ielenýge tyiym salyný jóninde ádildik sipat bar.
Sailaý juiesinde aralas júieniń usynylýy el arasynda qyzyqshylyq týdyrýda. Usynylyp otyrǵan nusqada «Keńes» sózi «Sot» sózimen aýystyrylǵan. Al, VII bólimde Konstitýtsiialyq sot qurylymy týraly tolyqtyrý bar. Konstitýtsiialyq sotqa júginý quqyna Bas Prokýror jáne Adam quqyǵy jónindegi ýákil ie bolady. Sondai-aq, 83 bapta Adam quqyǵy jónindegi ýákildiń mártebesi konstitýtsiialyq zańmen aiqyndalady.
Jurtshylyqty qyzyqtyratyn bir másele - Jer máselesi. Qoldanystaǵy Konstitýtsiianyń 6-shy baby 3–tarmaǵynda «jer men onyń qoinaýy, sý kózderi, ósimdikter men janýarlar dúniesi, basqa tabiǵi resýrstar memleket menshiginde» bolsa, usynylatyn nusqada «jer men onyń qoinaýy,sý kózderi,ósimdikter men janýarlar dúniesi, basqa tabiǵi resýrstar halyqqa tiesili. Memleket halyq atynan menshik ieligin júrgizýge quqyly. Jer sondai-aq zańda belgilengen negizderde,sharttar men shekterde jeke menshikte de bolýy múmkin» dep kórsetilgen. Memleket basshysy ózi oi eleginen ótkizgen, eldiń pikirin ustyn etip, qarqyndy damýymyzǵa arnalǵan barlyq salany qamtityn saiasi ózgeristerge tola Ata zańymyzdyń jańa nusqasyn referendým arqyly qabyldaýǵa usyndy.
Eldiń birligi úshin, tynysh tirligi úshin saiasi juiedegi ózgeisterdi tarazylap jeti ret ólshep bir ret kesken demekshi referendým arqyly qoǵamnyń barlyq sanattarymen sanasý,pikir almasý demokratiiany kórsetedi. Referendým ashyqtyqtyń,demokratiianyń, saiasi teńdikke jetýdiń eń biik satysy.
