Nur-Sultan qalasy Qoǵamdyq densaýlyq saqtaý basqarmasynyń basshysy Timýr Muratov koronavirýs boiynsha reanimatsiiada jatqan elordalyqtardyń jaǵdaiy týraly málimet berdi, dep habarlaidy QazAqparat.
«Búginde reanimatsiiada 230 naýqas jatyr. Onyń 47-si ókpeni invozirlik jeldetkish quralǵa jalǵanǵan. Iaǵni, jaǵdaiy eń aýyr, turaqsyz naýqastar osylar. Olardyń ishinde vaktsina alǵan syrqattar joq», - dedi basqarma basshysy.
Sondai-aq, ol elordalyqtar arasynda virýsqa qarsy ujymdyq immýnitet qalyptasýy úshin neshe adamnyń ekpe alýy kerektigin eske saldy.
«Qala boiynsha 320 myń adam vaktsinanyń birinshi komponentin alsa, 200 myńnan astamy tolyq immýndaýdan ótti. Vaktsinatsiia ujymdyq immýnitet paida bolǵan kezde tiimdi bolatynyn eske salǵym keledi. Iaǵni, astana halqynyń 60 paiyy ekpe alýy kerek. Bul bizdiń qala úshin 650 myńdai adam. Sol kezde ǵana biz qaýipsiz ómir súre alamyz», - dedi Timýr Muratov.
