Keshe Niý-Iork qalasynda Ispaniianyń «Real Madrid» klýby jáne «Adidas» kompaniiasy komandanyń 2018/19 jylǵy maýsymda kietin jeideniń úshinshi - qyzǵysh tústi toptamasyn tanystyrdy, dep habarlaidy «QazAqparat» tilshisi klýbtyń resmi saityna silteme jasap.
Jeidelerdi «Adidas» kompaniiasy álemdik muhittyń plastikten lastanýynan qorǵaý jónindegi Parley uiymymen birlese otyryp shyǵarǵan. Jańa tiptegi jeidelerdi tigý úshin shikizat retinde muhittar men teńizderdiń jaǵalaýlarynan jinalǵan plastik bótelkeler, bir rettik ydystar, paketter, t.b. qoqystar paidalanylǵan.
«Biz Parley jeidelerimen oinaý týraly alǵash ret 2016 jyly kelisim jasasqan bolatynbyz. Endi jańa maýsymda osy jeidelerdi paidalanamyz. Biz qorshaǵan ortanyń lastanýy problemasyna muqiiat qaraýymyz qajet», - deidi klýbtyń institýtaralyq bailanystar jónindegi direktory Emilio Býtrageno.
Jańa jeideler klýbtyń resmi saitynda 89,95 AQSh dollarymen satylyp jatyr. Al áielderge arnap tigilgen nusqasy - 79,95 dollar, balalar jeidesi 64,95 dollar turady.
