Madridtiń «Real» fýtbol klýby mezgilinen buryn Ispaniia chempiony atandy, dep habarlaidy "Ult aqparat".
Realdyqtar sońǵy oiynnyń aldyndaǵy matchta, iaǵni 37-inshi týrda óz alańynda «Viliarreal» komandasynan 2:1 esebimen basym túsip, upai sany boiynsha ekinshi orynda kele jatqan «Barselonanyń» chempiondyqtan úmitin úzdi.
Sońǵy týrdyń aldynda «Real» 86 upai jinady, «Barselonada» - 79.
«Real» úshin bul - 34-inshi titýl. Koroldik klýb osy kórsetkish boiynsha rekordyn jańartyp otyr («Barselona» ulttyq chempionatta 26 ret utqan).
Madridtikter Chempiondar ligasyndaǵy jeńister sany boiynsha da (13) rekordshy bolyp esepteledi.
Buǵan qosa, «Real» 19 ret Ispaniia kýbogynyń iegeri atandy, 11 ret Ispaniia sýperkýbogyn enshiledi. Al halyqaralyq arenada komanda eki ret ÝEFA kýbogyn, sondai-aq tórt retten ÝEFA sýperkýbogyn jáne klýbtyq álem chempionatyn jeńip aldy.
Aita ketken jón, osy maýsymda «Realdyń» bapkeri osy klýbtyń burynǵy oiynshysy Zinedin Zidan boldy.
