Memleket basshysy Mədeniet jəne sport ministri Aqtoty Raiymqulovany qabyldady, dep habarlaidy Aqordanyń baspasóz qyzmeti.
Qasym-Jomart Toqaevqa mádeniet, sport, týrizm jáne arhiv salalarynda atqarylyp jatqan jumystar boiynsha málimet berildi. Sonymen qatar el Táýelsizdiginiń 30 jyldyǵyna, óner jáne mádeniet qairatkerleriniń mereitoilaryna arnalǵan is-sharalar týraly baiandaldy.
Aqtoty Raiymqulova Memleket basshysyna Sháken Aimanov atyndaǵy «Qazaqfilm» kinostýdiiasynyń jumysy, Ulttyq kinony qoldaýdyń memlekettik ortalyǵy, sondai-aq «Kinematografiia týraly» Zańǵa engiziletin tolyqtyrýlar týraly málimet berdi.
Onyń aitýynsha, biyl sarapshylar keńesi men vedomstvoaralyq komissiia maquldaǵan 42 kinojobany qarjylai qoldaý josparlanǵan.
Qasym-Jomart Toqaevqa shyǵarmashylyq úiirmeler men sport sektsiialaryn jan basyna qarai qarjylandyrý jumysy týraly aqparat berildi.
Elimizde balalar men jasóspirimderdiń 50 paiyzyn qamtyǵan 22 myńǵa jýyq shyǵarmashylyq úiirme men 126 myń sport sektsiiasy jumys isteidi.
Ministr mádeniet jáne sport salalaryndaǵy zańnamaǵa ózgerister men tolyqtyrýlar engizý jumysy týraly baiandady.
Sonymen qatar, kezdesý barysynda ishki týrizmdi damytýdyń perspektivalary, osy salany tsifrlandyrý máseleleri talqylandy.
Qazirgi ýaqytta birqatar tsifrlyq sheshimder iske qosyldy. Kazakhstan.travel ulttyq týristik portaly, Týrizm onlain, View Project, eQonaq júiesi, gidterdiń biryńǵai tizimi, sondai-aq kórsetilgen qyzmet sapasyna qatysty pikir nemese shaǵym qaldyrýǵa múmkindik beretin E-Shagym modýli siiaqty jańa resýrstar ázirlenip jatyr.
Prezidentke IýNESKO-men yntymaqtastyqtyń jaǵdaiy týraly baiandaldy.
Búginde Qazaqstan atynan Búkilálemdik mura tizimine tarihi jáne mádeni on eskertkish engizilgen.
Aqtoty Raiymqulovanyń aitýynsha, ministrlik IýNESKO tizimine materialdyq jáne materialdyq emes mádeni muranyń jańa nysandaryn engizý boiynsha belsendi jumys júrgizip jatyr.
Kezdesý sońynda Qasym-Jomart Toqaev ministrge osy baǵyttaǵy jumystardy jalǵastyrýdy tapsyrdy.
