Mádeniet jáne sport ministri Aqtoty Raiymqulova óńir ákimdikterin mádeniet salasyna qarajatty kóbirek bólýge shaqyrdy, dep habarlaidy "Ult aqparat".
«Respýblikalyq biýdjetten mádeniet jáne sport salasyna jumsalatyn shyǵystardyń úlesi 1%-dan kem. Máselen, 2020 jyly respýblikalyq biýdjetten mádeniet salasyna jumsalatyn shyǵystardyń úlesi eldiń jalpy ishki ónimine shaqqanda 0,24%-dy jáne sport salasyna 0,28%-dy qurady. Bul kórsetkishter bilim berý salasynda 2,7%, densaýlyq saqtaý salasynda 1,9%-dy quraidy. El basshylyǵynyń ministrlik quziretindegi sala aldyna qoiǵan mindetterin tiimdi iske asyrý maqsatynda jergilikti atqarýshy organdar qarjylandyrý kólemin ulǵaitýy kerek. Odan bólek investitsiia tartyp, memlekettik-jekeshelik áriptestik tetikterin belsendi paidalanýy qajet», - dedi Aqtoty Raiymqulova ministrliktiń alqa májilisinde.
