Almatyda Medeý aýdany azamattyq ister boiynsha sotta Ratel.kz portaly qyzmetin toqtatý týraly prokýratýra aryzyna qatysty sheshim shyǵaryldy, dep habarlaidy Sputnik Qazaqstan tilshisi.
Ratel.kz basylymynyń saity Medeý aýdandyq prokýratýrasynyń aryzymen 31 naýryzda buǵattalǵan edi.
"Medeý aýdany prokýratýrasynyń Ratel.kz saityna túsirgen Ratel.kz basylymy qyzmetin toqtatý, Ratel.kz domendik atyn qaita tirkemeý jáne bas redaktor Marat Ásipov pen basqa qyzmetkerlerge sait materialdaryn ózge BAQ-ta jáne áleýmettik jelilerde jariialaýǵa tyiym salý týraly aryzy jartylai qanaǵattandyrylsyn. Ratel.kz saraptamalyq internet-portalynyń jelilik basylymynyń qyzmeti toqtatylsyn. Ratel.kz domendik ataýynyń qazaqstandyq BAQ keńistiginde paidalanylýyna bir jylǵa tyiym salynady", — dep oqydy sýdia Gúlmira Beisenova.
Basylymnyń bas redaktory Marat Ásipov sot sheshimi oqylǵan soń, ony naqtylaý úshin shaǵym túsiretinin málimdedi.
Ratel.kz portalyna eki aryz túsirilgen: Zeinolla Kákimjanov pen ony ulynyń jalǵan aqparat taratý týraly isi jáne domendik ataý boiynsha azamattyq is.
