Rassel Kroý «Shaǵyn telehikaia jáne telefilmdegi úzdik erler róli» sanatynda «Altyn globýs» amerikalyq kinopremiiasyn jeńip aldy. 77-shi marapattaý rásimi jeksenbi kúni Beverli-Hillzde (Kaliforniia shtaty) ótti, dep habarlaidy "Ult aqparat" NBC telearnasyna silteme jasap.
Akter «Eń qatty daýys» («Samyi gromkii golos», «The Loudest Voice») telehikaiasyndaǵy róli úshin syilyq aldy.
Syilyq laýreattary 25 sanatta jariialanady.
«Altyn globýs» músinshesiniń salmaǵy 2 keli jáne biiktigi 26 santimetr. Ol myryshtan jasalǵan jáne 24 karat altyn sharmen kómkerilgen.
«Altyn globýs» syilyǵyn jyl saiyn Sheteldik jýrnalister qaýymdastyǵy taǵaiyndaidy. Ol AQSh-ta «Oskardan» keiingi bedeldi syilyqtardyń biri. «Altyn globýs» marapaty kinematograf pen telearnany qamtyp, ótken jyldyń qorytyndysy boiynsha tabys etiledi.
