Memlekettik rámizder merekesine orai uiymdastyrylǵan saltanatty avtosherý barysynda elordalyqtar «Otan qorǵaýshy» monýmentine gúl shoqtaryn qoidy, dep habarlaidy "Ult aqparat".
Qabanbai dańǵyly boiynda ornalasqan «Qazaqstan Respýblikasynyń memlekettik rámizder» alańynan bastalǵan avtosherýge qatysýshylar Qabanbai, Turan, Uly dala, Máńgilik el, Táýelsizdik kósheleri arqyly 28 shaqyrym jol júrip, «Otan qorǵaýshy» alańyna kelip toqtady. Osy jerde elordalyq jastar Ekinshi dúniejúzilik soǵystaǵy Jeńistiń 75 jyldyq mereitoiyna orai monýmentke 75 tal gúl shoǵyn qoidy. Maidangerlerdiń qurmetine taǵzym etti.
«Astana jastary» jastar resýrstyq ortalyǵynyń jetekshisi Shyńǵys Tileýlin memlekettik rámizder kúnine orai elordalyq jastardyń mundai sherý ótkizýi dástúrge ainalǵandyǵyn aitady.
Endi sherýshiler Esil ózenine baryp, sol jerde sýda júzý quraldarymen 28 shaqyrymdy elimizdiń kók týyn jelbiretip ótetin bolady.
