مەملەكەتتٸك رەمٸزدەر مەرەكەسٸنە وراي ۇيىمداستىرىلعان سالتاناتتى اۆتوشەرۋ بارىسىندا ەلوردالىقتار «وتان قورعاۋشى» مونۋمەنتٸنە گٷل شوقتارىن قويدى, دەپ حابارلايدى "ۇلت اقپارات".
قابانباي داڭعىلى بويىندا ورنالاسقان «قازاقستان رەسپۋبليكاسىنىڭ مەملەكەتتٸك رەمٸزدەر» الاڭىنان باستالعان اۆتوشەرۋگە قاتىسۋشىلار قابانباي, تۇران, ۇلى دالا, مەڭگٸلٸك ەل, تەۋەلسٸزدٸك كٶشەلەرٸ ارقىلى 28 شاقىرىم جول جٷرٸپ, «وتان قورعاۋشى» الاڭىنا كەلٸپ توقتادى. وسى جەردە ەلوردالىق جاستار ەكٸنشٸ دٷنيەجٷزٸلٸك سوعىستاعى جەڭٸستٸڭ 75 جىلدىق مەرەيتويىنا وراي مونۋمەنتكە 75 تال گٷل شوعىن قويدى. مايدانگەرلەردٸڭ قۇرمەتٸنە تاعزىم ەتتٸ.
«استانا جاستارى» جاستار رەسۋرستىق ورتالىعىنىڭ جەتەكشٸسٸ شىڭعىس تٸلەۋلين مەملەكەتتٸك رەمٸزدەر كٷنٸنە وراي ەلوردالىق جاستاردىڭ مۇنداي شەرۋ ٶتكٸزۋٸ دەستٷرگە اينالعاندىعىن ايتادى.
ەندٸ شەرۋشٸلەر ەسٸل ٶزەنٸنە بارىپ, سول جەردە سۋدا جٷزۋ قۇرالدارىمەن 28 شاقىرىمدى ەلٸمٸزدٸڭ كٶك تۋىن جەلبٸرەتٸپ ٶتەتٸن بولادى.
