Qasietti Ramazan aiynyń qarsańynda Qazstandart arnaiy ýaqyt resýrsy – memlekettik ýaqyt etalony jáne jiiligimen sáikestendirilgen saǵatty iske qosty.
Bul týraly óziniń Facebook paraqshasynda QR Saýda jáne integratsiia ministri Baqyt Sultanov málim etti.
«Mereke qarsańynda Qazstandart memlekettik ýaqyt etalonymen jáne jiiligimen sáikestendirilgen – saǵatty iske qosty (https://ramazan.ksm.kz). Osy saǵat arqyly aýyz bekitken árbir azamat Qazaqstannyń barlyq óńiri boiynsha kúnniń shyǵatyn jáne batatyn dál ýaqytyn bile alady. Aýyz bekitken adamdar úshin ár minýt mańyzdy. Bizdiń memleketimizde azamattar bir-birin kópshilik merekelermen ǵana emes, dini merekelermen de quttyqtaidy. Bul ózgeniń tańdaýyna degen qurmet. Menińshe, Qasietti ai, bizdiń kópkonfessiialy halqymyzdy burynǵydan da biriktire túsedi. Qazaqstannyń árbir otbasyna beibitshilik, jaqsylyqpen jańarý tileimin!», - dep jazdy Baqyt Sultanov.
