2021 jyldyń qasietti Ramazan aiy 13 sáýirde bastalyp, 12 mamyrda aiaqtalady. Bul týraly Qazaqstan musylmandary dini basqarmasynyń tóraǵasy, Bas múfti Naýryzbai qajy Taǵanuly aitty, dep habarlaidy "Ult aqparat".
«Barshańyzdy on eki aidyń sultany, qasietti Ramazannyń bastalaýymen shyn júrekten quttyqtaimyn! Otbasylaryńyzǵa baq pen bereke tileimin! Jaratýshy Jabbar Iemiz árbir izgi amaldyń saýaby eselenip jazylatyn berekeli aida ustaǵan orazamyzdy, jasaǵan duǵamyzdy, oqyǵan namazymyzdy, oryndy sebeptermen aýyz bekite almai qalǵan jandardyń bergen sadaqalaryn qabyl etkei!», - dedi Bas múfti.
Onyń atap ótýinshe, Alla qalasa, 2021 jyldyń qasietti Ramazan aiy 13 sáýirde bastalyp, 12 mamyrda aiaqtalady.
«Ortalyq Aziia múftilerimen keńesip, ǵylymi zertteý jumystarynyń nájiesine súiene otyryp, osyndai sheshim qabyldadyq. 8 mamyrdan 9 mamyrǵa qaraǵan tún - qasietti Qadir túni. 13 mamyr - Oraza aittyń birinshi kúni. Alla qalasa, biyl 30 kún oraza ustaimyz. Osy jylǵy pitir sadaqa mólsheri jan basyna 420 teńge bolyp belgilendi. Pitir sadaqa mólsheri barlyq oblystaǵy 2 keli unnyń eń tómengi baǵasymen ólshendi», - dedi Naýryzbai qajy Taǵanuly.
