2021 جىلدىڭ قاسيەتتٸ رامازان ايى 13 سەۋٸردە باستالىپ, 12 مامىردا اياقتالادى. بۇل تۋرالى قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى ايتتى, دەپ حابارلايدى "ۇلت اقپارات".
«بارشاڭىزدى ون ەكٸ ايدىڭ سۇلتانى, قاسيەتتٸ رامازاننىڭ باستالاۋىمەن شىن جٷرەكتەن قۇتتىقتايمىن! وتباسىلارىڭىزعا باق پەن بەرەكە تٸلەيمٸن! جاراتۋشى جاببار يەمٸز ەربٸر ٸزگٸ امالدىڭ ساۋابى ەسەلەنٸپ جازىلاتىن بەرەكەلٸ ايدا ۇستاعان ورازامىزدى, جاساعان دۇعامىزدى, وقىعان نامازىمىزدى, ورىندى سەبەپتەرمەن اۋىز بەكٸتە الماي قالعان جانداردىڭ بەرگەن ساداقالارىن قابىل ەتكەي!», - دەدٸ باس مٷفتي.
ونىڭ اتاپ ٶتۋٸنشە, اللا قالاسا, 2021 جىلدىڭ قاسيەتتٸ رامازان ايى 13 سەۋٸردە باستالىپ, 12 مامىردا اياقتالادى.
«ورتالىق ازييا مٷفتيلەرٸمەن كەڭەسٸپ, عىلىمي زەرتتەۋ جۇمىستارىنىڭ نەجيەسٸنە سٷيەنە وتىرىپ, وسىنداي شەشٸم قابىلدادىق. 8 مامىردان 9 مامىرعا قاراعان تٷن - قاسيەتتٸ قادٸر تٷنٸ. 13 مامىر - ورازا ايتتىڭ بٸرٸنشٸ كٷنٸ. اللا قالاسا, بيىل 30 كٷن ورازا ۇستايمىز. وسى جىلعى پٸتٸر ساداقا مٶلشەرٸ جان باسىنا 420 تەڭگە بولىپ بەلگٸلەندٸ. پٸتٸر ساداقا مٶلشەرٸ بارلىق وبلىستاعى 2 كەلٸ ۇننىڭ ەڭ تٶمەنگٸ باعاسىمەن ٶلشەندٸ», - دەدٸ ناۋرىزباي قاجى تاعانۇلى.
