Foto: Rakhat_turlykhanov / Instagram
Sot Rahat Turlyhanovqa qatysty áielin uryp-soqqany úshin ákimshilik qamaqqa alý týraly qaýly shyǵardy, - dep habarlaidy "Ult aqparat" Almaty sottarynyń resmi paraqshasyna silteme jasap.
"Almaty qalalyq soty Rahat Turlyhanovqa qatysty uryp-soǵý deregi boiynsha ákimshilik quqyq buzýshylyq boiynsha isti qaraýdy aiaqtady.
Buǵan deiin birinshi satyly sot R.Turlyhanovqa qatysty ákimshilik eskertý týraly qaýly shyǵarǵan.
Atalǵan materialdy qaraý barysynda sot alqasy jubaiyn birneshe ret uryp-soǵý faktilerin eskerip, birinshi satyly sottyń taǵaiyndaǵan jazasymen kelispedi", - delingen habarlamada.
Osylaisha Almaty qalalyq sotynyń alqasy ákimshilik quqyq buzýshylyqtar jónindegi mamandandyrylǵan aýdanaralyq sotynyń qaýlysyn ózgertti.
ÁQBtK-niń 73-2-babynyń 1-1-bóligi – ákimshilik eskertý nemese 10 táýlikke ákimshilik qamaqqa alý túrindegi jazany qarastyrady.
"Sot alqasynyń qaýlysymen Rahat Turlyhanovqa qatysty jaza - eskertýden 10 táýlikke ákimshilik qamaqqa alýǵa ózgertildi.
Qaýly zańdy kúshine endi" - delingen habarlamada.
Aita keteiik, Rahat Turlyhanovqa qatysty apelliatsiialyq sot jabyq rejimde ótti. Aiyptalýshy men jábirlenýshi sýdiadan sot otyrysyna qatysýǵa kelgen BAQ ókilderin shyǵaryp jiberýdi surady.
«Qurmetti sot, men sot otyrysyna jýrnalisterdiń qatysýyna qarsymyn. Eger múmkindik bolsa, olardy shyǵaryp jiberýińizdi suraimyn», - dedi Turlyhanov.
Bul rette, prokýror men eks-ánshiniń qorǵaýshysy da erli-zaiyptylardyn ótinishin quptady.
Osylaisha sýdia Qanat Moldashev Rahat Turlyhanovtyń isin jabyq rejimde qaraý týraly sheshim qabyldady.
