فوتو: Rakhat_turlykhanov / Instagram
سوت راحات تۇرلىحانوۆقا قاتىستى ەيەلٸن ۇرىپ-سوققانى ٷشٸن ەكٸمشٸلٸك قاماققا الۋ تۋرالى قاۋلى شىعاردى, - دەپ حابارلايدى "ۇلت اقپارات" الماتى سوتتارىنىڭ رەسمي پاراقشاسىنا سٸلتەمە جاساپ.
"الماتى قالالىق سوتى راحات تۇرلىحانوۆقا قاتىستى ۇرىپ-سوعۋ دەرەگٸ بويىنشا ەكٸمشٸلٸك قۇقىق بۇزۋشىلىق بويىنشا ٸستٸ قاراۋدى اياقتادى.
بۇعان دەيٸن بٸرٸنشٸ ساتىلى سوت ر.تۇرلىحانوۆقا قاتىستى ەكٸمشٸلٸك ەسكەرتۋ تۋرالى قاۋلى شىعارعان.
اتالعان ماتەريالدى قاراۋ بارىسىندا سوت القاسى جۇبايىن بٸرنەشە رەت ۇرىپ-سوعۋ فاكتٸلەرٸن ەسكەرٸپ, بٸرٸنشٸ ساتىلى سوتتىڭ تاعايىنداعان جازاسىمەن كەلٸسپەدٸ", - دەلٸنگەن حابارلامادا.
وسىلايشا الماتى قالالىق سوتىنىڭ القاسى ەكٸمشٸلٸك قۇقىق بۇزۋشىلىقتار جٶنٸندەگٸ مامانداندىرىلعان اۋدانارالىق سوتىنىڭ قاۋلىسىن ٶزگەرتتٸ.
ەقبتك-نٸڭ 73-2-بابىنىڭ 1-1-بٶلٸگٸ – ەكٸمشٸلٸك ەسكەرتۋ نەمەسە 10 تەۋلٸككە ەكٸمشٸلٸك قاماققا الۋ تٷرٸندەگٸ جازانى قاراستىرادى.
"سوت القاسىنىڭ قاۋلىسىمەن راحات تۇرلىحانوۆقا قاتىستى جازا - ەسكەرتۋدەن 10 تەۋلٸككە ەكٸمشٸلٸك قاماققا الۋعا ٶزگەرتٸلدٸ.
قاۋلى زاڭدى كٷشٸنە ەندٸ" - دەلٸنگەن حابارلامادا.
ايتا كەتەيٸك, راحات تۇرلىحانوۆقا قاتىستى اپەللياتسييالىق سوت جابىق رەجيمدە ٶتتٸ. ايىپتالۋشى مەن جەبٸرلەنۋشٸ سۋديادان سوت وتىرىسىنا قاتىسۋعا كەلگەن باق ٶكٸلدەرٸن شىعارىپ جٸبەرۋدٸ سۇرادى.
«قۇرمەتتٸ سوت, مەن سوت وتىرىسىنا جۋرناليستەردٸڭ قاتىسۋىنا قارسىمىن. ەگەر مٷمكٸندٸك بولسا, ولاردى شىعارىپ جٸبەرۋٸڭٸزدٸ سۇرايمىن», - دەدٸ تۇرلىحانوۆ.
بۇل رەتتە, پروكۋرور مەن ەكس-ەنشٸنٸڭ قورعاۋشىسى دا ەرلٸ-زايىپتىلاردىن ٶتٸنٸشٸن قۇپتادى.
وسىلايشا سۋديا قانات مولداشەۆ راحات تۇرلىحانوۆتىڭ ٸسٸن جابىق رەجيمدە قاراۋ تۋرالى شەشٸم قابىلدادى.
