Foto: Instagram/Erke Esmahan
Raim (Raiymbek Baqtygereev) men Erke Esmahan neke qidyrdy. Súiinshi habardy ánshilerdiń ózi bólisti, - dep habarlaidy "Ult aqparat".
Erke Instagram-daǵy storisine meshitte túsken fotony júktep, neke qiǵany týraly jańalyqty óleńmen jetkizgen.
"Baq tilep bireý súiindi, Ǵaibattap bireý kúiindi, Adamdy Alla qospai ma, Kim uqsyn meniń kúiimdi, Batystan ushqan aqqý em, Batystan taptym úiimdi, Aq meshitinde Oraldyń, Aq nekemiz qiyldy, Kóp kórmese eken aǵaiyn, Alladan alǵan syiymdy, Hadisha salǵan jolmenen, Basyma baqyt buiyrdy", - dep jazdy ol.
Al Raim Qazaqstan musylmandary dini basqarmasy bergen musylman neke kýáligin salǵan.
Sonymen birge aitysker aqyn Ainur Tursynbaeva da Erke Esmahan men Raim-ǵa baqyt tilep, ekeýiniń birge túsken fotosyn jariialady.
"Al eń alǵashqy ekskliýziv foto! Qasietti juma kúni aq nekesi qiylǵan eki jasqa eki dúnieniń baqytyn tileimiz.... Jaqsy adamdar jaqsy tilegin aitady... Barlyq áiel baqytty bolýy kerek! Ardaqty Hadisha anamyz Paiǵambardan 15 jas úlken bolǵanyn bilesizder... Ári bai, ári sulý, ári aqyldy anamyz týraly "Barlyq jurt menen teris ainalǵan, maǵan sengen jalǵyz Hadisha bolatyn" dep súisinip, ómiriniń sońyna deiin aialaǵan eken... Árbir jazylǵan tilek, árbir sóz ózimizge qaitatynyn umytpaiyq... Óz basym barlyq adam baqytty bolsa deimin... Qatelesken adam emes táýbaǵa kelgen adam súikimdi men úshin... Qulaǵan adam jerde jatyp qalmai eńsesin kóterip turýǵa qaqy bar shyǵar?! Erke Esmahannyń 80-nen asqan anasy barlyq pikirdi oqyp otyrady... Analardyń júregine qaiaý salmai-aq tilegimizdi arnap jibereiikshi... Úbirli shúbirli bolsyn, ámin!, - dep jazdy ol.
