فوتو: Instagram/ەركە ەسماحان
Raim (رايىمبەك باقتىگەرەەۆ) مەن ەركە ەسماحان نەكە قيدىردى. سٷيٸنشٸ حاباردى ەنشٸلەردٸڭ ٶزٸ بٶلٸستٸ, - دەپ حابارلايدى "ۇلت اقپارات".
ەركە Instagram-داعى ستوريسٸنە مەشٸتتە تٷسكەن فوتونى جٷكتەپ, نەكە قيعانى تۋرالى جاڭالىقتى ٶلەڭمەن جەتكٸزگەن.
"باق تٸلەپ بٸرەۋ سٷيٸندٸ, عايباتتاپ بٸرەۋ كٷيٸندٸ, ادامدى اللا قوسپاي ما, كٸم ۇقسىن مەنٸڭ كٷيٸمدٸ, باتىستان ۇشقان اققۋ ەم, باتىستان تاپتىم ٷيٸمدٸ, اق مەشٸتٸندە ورالدىڭ, اق نەكەمٸز قيىلدى, كٶپ كٶرمەسە ەكەن اعايىن, اللادان العان سىيىمدى, حاديشا سالعان جولمەنەن, باسىما باقىت بۇيىردى", - دەپ جازدى ول.
ال Raim قازاقستان مۇسىلماندارى دٸني باسقارماسى بەرگەن مۇسىلمان نەكە كۋەلٸگٸن سالعان.
سونىمەن بٸرگە ايتىسكەر اقىن اينۇر تۇرسىنباەۆا دا ەركە ەسماحان مەن Raim-عا باقىت تٸلەپ, ەكەۋٸنٸڭ بٸرگە تٷسكەن فوتوسىن جارييالادى.
"ال ەڭ العاشقى ەكسكليۋزيۆ فوتو! قاسيەتتٸ جۇما كٷنٸ اق نەكەسٸ قيىلعان ەكٸ جاسقا ەكٸ دٷنيەنٸڭ باقىتىن تٸلەيمٸز.... جاقسى ادامدار جاقسى تٸلەگٸن ايتادى... بارلىق ەيەل باقىتتى بولۋى كەرەك! ارداقتى حاديشا انامىز پايعامباردان 15 جاس ٷلكەن بولعانىن بٸلەسٸزدەر... ەرٸ باي, ەرٸ سۇلۋ, ەرٸ اقىلدى انامىز تۋرالى "بارلىق جۇرت مەنەن تەرٸس اينالعان, ماعان سەنگەن جالعىز حاديشا بولاتىن" دەپ سٷيسٸنٸپ, ٶمٸرٸنٸڭ سوڭىنا دەيٸن ايالاعان ەكەن... ەربٸر جازىلعان تٸلەك, ەربٸر سٶز ٶزٸمٸزگە قايتاتىنىن ۇمىتپايىق... ٶز باسىم بارلىق ادام باقىتتى بولسا دەيمٸن... قاتەلەسكەن ادام ەمەس تەۋباعا كەلگەن ادام سٷيكٸمدٸ مەن ٷشٸن... قۇلاعان ادام جەردە جاتىپ قالماي ەڭسەسٸن كٶتەرٸپ تۇرۋعا قاقى بار شىعار?! ەركە ەسماحاننىڭ 80-نەن اسقان اناسى بارلىق پٸكٸردٸ وقىپ وتىرادى... انالاردىڭ جٷرەگٸنە قاياۋ سالماي-اق تٸلەگٸمٸزدٸ ارناپ جٸبەرەيٸكشٸ... ٷبٸرلٸ شٷبٸرلٸ بولسىن, ەمين!, - دەپ جازدى ول.
