Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine atom energiiasyn paidalaný máseleleri boiynsha ózgerister men tolyqtyrýlar engizý týraly» zań jobasy maquldandy, dep habarlaidy QazAqparat.
QR Energetika ministri Nurlan Noǵaevtyń aitýynsha, zań jobasy qoldanystaǵy zańnamanyń quqyqtyq qaishylyqtaryn joiý, sondai-aq belgili bir normalardy Atom energiiasy jónindegi halyqaralyq agenttiktiń (AEHA) qaýipsizdik jónindegi halyqaralyq normalarǵa sáikes keltirý úshin atom energiiasyn paidalaný salasyndaǵy zańnamalyq aktilerge ózgerister men tolyqtyrýlar engizýge baǵyttalǵan.
Bul úshin zań jobasynda mynalar qarastyrylady:
- «Atom energiiasyn paidalaný týraly» jáne «Halyqtyń radiatsiialyq qaýipsizdigi týraly» Qazaqstan Respýblikasy Zańdarynyń normalaryn qoldaný kezinde ártúrli túsinýdi boldyrmaý maqsatynda terminologiia men uǵymdyq apparatty naqtylaý;
- Halyqtyń radiatsiialyq qaýipsizdigi salasyndaǵy memlekettik saiasatty sapaly iske asyrý, sondai-aq ókilettikterdiń qaitalanýyn boldyrmaý maqsatynda ýákiletti memlekettik organdardyń ókilettikteri men fýnktsiialaryn shekteý;
- Bilimdi tekserýden ótý rásimderin yryqtandyrý maqsatynda atom energiiasyn paidalaný obektilerinde jumys isteitin personalǵa attestattaýdan qaita ótý quqyǵyn berý;
- Iadrolyq materialdardy, radioaktivti zattardy jáne radioaktivti qaldyqtardy tasymaldaý kezinde iadrolyq jáne radiatsiialyq avariialarǵa apattyq ázirlikti jáne den qoiýdy reglamentteý;
- Iadrolyq qondyrǵynyń júielerinde, jabdyqtarynda, jobalaý jáne paidalaný qujattamasynda ózgerister bolǵan jaǵdaida ǵana iadrolyq, radiatsiialyq, iadrolyq fizikalyq qaýipsizdikke qaita saraptama júrgizý.
«Zań jobasy qabyldanǵan jaǵdaida, tiisti quqyqtyq jáne áleýmettik-ekonomikalyq aspektiler júzege asyrylady. Osy oraida atom energiiasyn paidalaný salasyndaǵy qaýipsizdikti qamtamasyz etý jáne kyzmetti retteý bóliginde qoldanystaǵy zańnamadaǵy quqyqtyq qaishylyqtardy joiý eskerilgen. Atom energiiasy jónindegi halyqaralyq agenttiktiń qaýipsizdik boiynsha halyqaralyq talaptardy oryndaý qamtylǵan. Zań jobasyn qabyldaý keleńsiz áleýmettik-ekonomikalyq jáne quqyqtyq saldarlarǵa ákelmeidi, memlekettik biýdjetten qosymsha shyǵyndar talap etpeidi», - dedi N. Noǵaev.
