Astanada Qytai Halyq Respýblikasynyń Qazaqstan Respýblikasyndaǵy Elshiligi men Qytaidy zertteý ortalyǵynyń birlesip uiymdastyrýymen Qytai Kommýnistik partiiasynyń qurylǵanyna 105 jyl tolýyna arnalǵan qazaqstandyq-qytailyq memlekettik basqarý tájiribesimen almasý seminary ótti, dep habarlaidy ult.kz.
Is-sharaǵa memlekettik organdardyń, sarapshylyq qaýymdastyqtyń, ǵylymi ortanyń jáne buqaralyq aqparat quraldarynyń ókilderi qatysty.
Seminar barysynda Qytai Kommýnistik partiiasynyń ǵasyrdan asqan damý joly, eldiń memlekettik basqarý júiesin qalyptastyrýdaǵy róli, júrgizilgen reformalardyń negizgi nátijeleri men zamanaýi basqarý tájiribesi talqylandy.
Sondai-aq qatysýshylar Qytaidyń áleýmettik-ekonomikalyq damýy, memlekettik basqarýdaǵy tiimdi tájiribeleri, Qytai Kommýnistik partiiasynyń aldynda turǵan jańa múmkindikter men syn-qaterler, sondai-aq Qytaidyń álemdegi beibitshilik pen turaqty damýdy qamtamasyz etýge qosyp otyrǵan úlesi jóninde pikir almasty.
Uiymdastyrýshylardyń aitýynsha, mundai kezdesýler Qazaqstan men Qytai arasyndaǵy sarapshylyq jáne gýmanitarlyq yntymaqtastyqty nyǵaitýǵa, ózara tájiribe almasýǵa jáne ekijaqty dialogty damytýǵa múmkindik beredi.
Qytaidyń Qazaqstandaǵy Tótenshe jáne ókiletti elshisi Han Chýnlin Qytai Kommýnistik partiiasynyń basty maqsaty halyqtyń igiligine qyzmet etý ekenin atap ótti.
«Qytai Kommýnistik partiiasy árdaiym halyqtyń múddesin bárinen joǵary qoiyp keledi. Halyqtyń jaqsy ómir súrýge degen umtylysy – bizdiń basty maqsatymyz. Partiianyń jetekshiligimen elde buryn-sońdy bolmaǵan aýqymdy kedeilikti joiý naýqany júzege asyrylyp, absoliýtti kedeilik tolyqtai eńserildi. Bul Qytaidyń damý jolyndaǵy mańyzdy tarihi jetistikterdiń biri boldy», – dedi elshi.
Sonymen qatar ol Qytaidyń beibit damý baǵytyn ustanatynyn aityp, Qazaqstanmen jan-jaqty strategiialyq áriptestikti odan ári tereńdetýge daiyn ekenin jetkizdi.
«Qytai men Qazaqstan – taǵdyry ortaq, tatý kórshi, senimdi seriktes ári adal baýyrlas memleketter. Qytai tarapy saiasi ózara senimdi nyǵaityp, saýda, investitsiia, energetika, tehnologiia jáne mádeniet salalaryndaǵy yntymaqtastyqty jańa deńgeige kóterýge daiyn», – dedi Han Chýnlin.
«Aq jol» Demokratiialyq partiiasynyń tóraǵasy Dániia Espaeva Qytai Kommýnistik partiiasynyń 105 jyldyǵymen quttyqtap, olarǵa aldyna qoiǵan maqsatqa jete berýge tilektestik bildirdi. Sonymen qatar onyń sózinshe ǵasyrlyq tarihynda Qytai Halyq Respýblikasy aýqymdy ózgeristerdi iske asyryp, áleýmettik-ekonomikalyq damýynyń tuǵyryn myqtap qalyptastyrdy.
«Búginde Qytai álemdegi aldyńǵy qatardaǵy derjavalardyń biri. Al onyń memleketti basqarýdaǵy, ekonomikadaǵy, ǵylym jáne tehnologiiadaǵy jetken jetistikteri álemde laiyqty qurmet pen qyzyǵýshylyqty týdyryp otyr. Sońǵy on jyldyqta Qytai álemdik ekonomika men halyqaralyq saiasattyń eń mańyzdy ortalyǵyna ainalyp, áleýmettik-ekonomikalyq damýdyń úlken kórsetkishin kórsetti. Bul jetistikter memlekettik saiasattyń birizdiligi jáne memlekettik basqarýdyń tiimdi júiesiniń arqasynda júzege asyp otyr», – degen Dániia Espaeva Qazaqstan úshin Qytai tek senimdi kórshi ǵana emes, strategiialyq seriktes ekenin de aityp ótti.
Onyń aitýynsha eki eldi ózara syilastyq pen senimge negizdelgen máńgi janjaqty strategiialyq seriktestik bailanystyrady.
«Bizdiń elderdiń Basshylary arqasynda Qazaqstan men Qytai qarym qatynasy barlyq mańyzdy baǵyttarda joǵary deńgeige kóterilip, qarqyndy damýdy jalǵastyryp keledi», – dedi Dániia Espaeva.
Is-shara barysynda Qytai Kommýnistik partiiasynyń qurylǵanyna 105 jyl tolýyna bailanysty arnaiy daiyndalǵan film kórsetildi.
Seminar aiasynda qatysýshylar Qytai Kommýnistik partiiasynyń ǵasyrlyq damý joly men negizgi jetistikterin, memlekettik basqarýdaǵy tájiribesin, qazirgi kezeńdegi aldynda turǵan múmkindikter men syn-qaterlerdi talqylady. Sonymen qatar Qytaidyń álemdegi beibitshilikti nyǵaitýǵa jáne jahandyq turaqty damýǵa qosyp otyrǵan úlesi jóninde pikir almasty.
