استانادا قىتاي حالىق رەسپۋبليكاسىنىڭ قازاقستان رەسپۋبليكاسىنداعى ەلشٸلٸگٸ مەن قىتايدى زەرتتەۋ ورتالىعىنىڭ بٸرلەسٸپ ۇيىمداستىرۋىمەن قىتاي كوممۋنيستٸك پارتيياسىنىڭ قۇرىلعانىنا 105 جىل تولۋىنا ارنالعان قازاقستاندىق-قىتايلىق مەملەكەتتٸك باسقارۋ تەجٸريبەسٸمەن الماسۋ سەمينارى ٶتتٸ, دەپ حابارلايدى ult.kz.
ٸس-شاراعا مەملەكەتتٸك ورگانداردىڭ, ساراپشىلىق قاۋىمداستىقتىڭ, عىلىمي ورتانىڭ جەنە بۇقارالىق اقپارات قۇرالدارىنىڭ ٶكٸلدەرٸ قاتىستى.
سەمينار بارىسىندا قىتاي كوممۋنيستٸك پارتيياسىنىڭ عاسىردان اسقان دامۋ جولى, ەلدٸڭ مەملەكەتتٸك باسقارۋ جٷيەسٸن قالىپتاستىرۋداعى رٶلٸ, جٷرگٸزٸلگەن رەفورمالاردىڭ نەگٸزگٸ نەتيجەلەرٸ مەن زاماناۋي باسقارۋ تەجٸريبەسٸ تالقىلاندى.
سونداي-اق قاتىسۋشىلار قىتايدىڭ ەلەۋمەتتٸك-ەكونوميكالىق دامۋى, مەملەكەتتٸك باسقارۋداعى تيٸمدٸ تەجٸريبەلەرٸ, قىتاي كوممۋنيستٸك پارتيياسىنىڭ الدىندا تۇرعان جاڭا مٷمكٸندٸكتەر مەن سىن-قاتەرلەر, سونداي-اق قىتايدىڭ ەلەمدەگٸ بەيبٸتشٸلٸك پەن تۇراقتى دامۋدى قامتاماسىز ەتۋگە قوسىپ وتىرعان ٷلەسٸ جٶنٸندە پٸكٸر الماستى.
ۇيىمداستىرۋشىلاردىڭ ايتۋىنشا, مۇنداي كەزدەسۋلەر قازاقستان مەن قىتاي اراسىنداعى ساراپشىلىق جەنە گۋمانيتارلىق ىنتىماقتاستىقتى نىعايتۋعا, ٶزارا تەجٸريبە الماسۋعا جەنە ەكٸجاقتى ديالوگتى دامىتۋعا مٷمكٸندٸك بەرەدٸ.
قىتايدىڭ قازاقستانداعى تٶتەنشە جەنە ٶكٸلەتتٸ ەلشٸسٸ حان چۋنلين قىتاي كوممۋنيستٸك پارتيياسىنىڭ باستى ماقساتى حالىقتىڭ يگٸلٸگٸنە قىزمەت ەتۋ ەكەنٸن اتاپ ٶتتٸ.
«قىتاي كوممۋنيستٸك پارتيياسى ەردايىم حالىقتىڭ مٷددەسٸن بەرٸنەن جوعارى قويىپ كەلەدٸ. حالىقتىڭ جاقسى ٶمٸر سٷرۋگە دەگەن ۇمتىلىسى – بٸزدٸڭ باستى ماقساتىمىز. پارتييانىڭ جەتەكشٸلٸگٸمەن ەلدە بۇرىن-سوڭدى بولماعان اۋقىمدى كەدەيلٸكتٸ جويۋ ناۋقانى جٷزەگە اسىرىلىپ, ابسوليۋتتٸ كەدەيلٸك تولىقتاي ەڭسەرٸلدٸ. بۇل قىتايدىڭ دامۋ جولىنداعى ماڭىزدى تاريحي جەتٸستٸكتەردٸڭ بٸرٸ بولدى», – دەدٸ ەلشٸ.
سونىمەن قاتار ول قىتايدىڭ بەيبٸت دامۋ باعىتىن ۇستاناتىنىن ايتىپ, قازاقستانمەن جان-جاقتى ستراتەگييالىق ەرٸپتەستٸكتٸ ودان ەرٸ تەرەڭدەتۋگە دايىن ەكەنٸن جەتكٸزدٸ.
«قىتاي مەن قازاقستان – تاعدىرى ورتاق, تاتۋ كٶرشٸ, سەنٸمدٸ سەرٸكتەس ەرٸ ادال باۋىرلاس مەملەكەتتەر. قىتاي تاراپى ساياسي ٶزارا سەنٸمدٸ نىعايتىپ, ساۋدا, ينۆەستيتسييا, ەنەرگەتيكا, تەحنولوگييا جەنە مەدەنيەت سالالارىنداعى ىنتىماقتاستىقتى جاڭا دەڭگەيگە كٶتەرۋگە دايىن», – دەدٸ حان چۋنلين.
«اق جول» دەموكراتييالىق پارتيياسىنىڭ تٶراعاسى دەنييا ەسپاەۆا قىتاي كوممۋنيستٸك پارتيياسىنىڭ 105 جىلدىعىمەن قۇتتىقتاپ, ولارعا الدىنا قويعان ماقساتقا جەتە بەرۋگە تٸلەكتەستٸك بٸلدٸردٸ. سونىمەن قاتار ونىڭ سٶزٸنشە عاسىرلىق تاريحىندا قىتاي حالىق رەسپۋبليكاسى اۋقىمدى ٶزگەرٸستەردٸ ٸسكە اسىرىپ, ەلەۋمەتتٸك-ەكونوميكالىق دامۋىنىڭ تۇعىرىن مىقتاپ قالىپتاستىردى.
«بٷگٸندە قىتاي ەلەمدەگٸ الدىڭعى قاتارداعى دەرجاۆالاردىڭ بٸرٸ. ال ونىڭ مەملەكەتتٸ باسقارۋداعى, ەكونوميكاداعى, عىلىم جەنە تەحنولوگيياداعى جەتكەن جەتٸستٸكتەرٸ ەلەمدە لايىقتى قۇرمەت پەن قىزىعۋشىلىقتى تۋدىرىپ وتىر. سوڭعى ون جىلدىقتا قىتاي ەلەمدٸك ەكونوميكا مەن حالىقارالىق ساياساتتىڭ ەڭ ماڭىزدى ورتالىعىنا اينالىپ, ەلەۋمەتتٸك-ەكونوميكالىق دامۋدىڭ ٷلكەن كٶرسەتكٸشٸن كٶرسەتتٸ. بۇل جەتٸستٸكتەر مەملەكەتتٸك ساياساتتىڭ بٸرٸزدٸلٸگٸ جەنە مەملەكەتتٸك باسقارۋدىڭ تيٸمدٸ جٷيەسٸنٸڭ ارقاسىندا جٷزەگە اسىپ وتىر», – دەگەن دەنييا ەسپاەۆا قازاقستان ٷشٸن قىتاي تەك سەنٸمدٸ كٶرشٸ عانا ەمەس, ستراتەگييالىق سەرٸكتەس ەكەنٸن دە ايتىپ ٶتتٸ.
ونىڭ ايتۋىنشا ەكٸ ەلدٸ ٶزارا سىيلاستىق پەن سەنٸمگە نەگٸزدەلگەن مەڭگٸ جانجاقتى ستراتەگييالىق سەرٸكتەستٸك بايلانىستىرادى.
«بٸزدٸڭ ەلدەردٸڭ باسشىلارى ارقاسىندا قازاقستان مەن قىتاي قارىم قاتىناسى بارلىق ماڭىزدى باعىتتاردا جوعارى دەڭگەيگە كٶتەرٸلٸپ, قارقىندى دامۋدى جالعاستىرىپ كەلەدٸ», – دەدٸ دەنييا ەسپاەۆا.
ٸس-شارا بارىسىندا قىتاي كوممۋنيستٸك پارتيياسىنىڭ قۇرىلعانىنا 105 جىل تولۋىنا بايلانىستى ارنايى دايىندالعان فيلم كٶرسەتٸلدٸ.
سەمينار اياسىندا قاتىسۋشىلار قىتاي كوممۋنيستٸك پارتيياسىنىڭ عاسىرلىق دامۋ جولى مەن نەگٸزگٸ جەتٸستٸكتەرٸن, مەملەكەتتٸك باسقارۋداعى تەجٸريبەسٸن, قازٸرگٸ كەزەڭدەگٸ الدىندا تۇرعان مٷمكٸندٸكتەر مەن سىن-قاتەرلەردٸ تالقىلادى. سونىمەن قاتار قىتايدىڭ ەلەمدەگٸ بەيبٸتشٸلٸكتٸ نىعايتۋعا جەنە جاھاندىق تۇراقتى دامۋعا قوسىپ وتىرعان ٷلەسٸ جٶنٸندە پٸكٸر الماستى.
