Almatyda 1300-den astam adam «Qurban-2020» onlain platformasy arqyly qurbandyqqa shalynǵan maldyń etin alýǵa ótinish bildirgen. Bul týraly Bostandyq aýdany «Baiken» meshitiniń bas imamy Daniiar Jumabaev aitty, dep habarlaidy QazAqparat.
Qalanyń bas memlekettik sanitar dárigeriniń qaýlysyna sáikes, koronavirýs infektsiiasynyń taralýyn boldyrmaý maqsatynda Qurban Ait dástúrli merekesine qurbandyq shalý onlain formatta ótedi.
Qurban shalýǵa jáne soiylǵan qurbandyq malynyń etin alýǵa ótinish berý úshin «Qurban-2020» onlain platformasy qurylǵan.
«Búgingi tańda 1305 adam qurbandyqqa shalynǵan etti onlain platforma arqyly alýǵa ótinish bildirgen», - dedi Daniiar Jumabaev óńirlik kommýnikatsiialar qyzmetiniń onlain brifingi barysynda.
Sonymen birge, ol qala turǵyndarynan qurbandyqqa 49 qoi, 18 eshki jáne 8 basqa maldy shalýǵa ótinish túskenin aityp, tolyqtyrdy. Barlyq ettiń qaiyrymdylyq aiasynda muqtaj jandarǵa taratylatynyn atap ótken jón.
Qurbandyq shalýǵa jáne muqtaj, az qamtylǵan qala turǵyndarynyń et alýǵa qaldyrǵan ótinishterin alý saitta 24 shildeden 30 shilde aralyǵynda júrgiziledi.
Qosymsha aqparatty 8(700)7197622, 8(727)3976390 telefondary arqyly bilýge bolady.
