Aqtóbede qoqys arasynan tabylǵan náreste kelesi aptada sábiler úiine aýystyrylady. Qazirgi ýaqytta oǵan qatysty qajetti qujattardy rásimdeý jumystary júrgizilip jaty, dep habarlaidy ult.kz.
Oblystyq Densaýlyq saqtaý basqarmasynyń málimetinshe, sábi ázirge meditsinalyq mekemede baqylaýda. Dárigerler onyń jaǵdaiy turaqty ekenin, densaýlyǵyna qaýip joq ekenin habarlady.
«Qujattardy rásimdeý jumystary jalǵasýda. Quqyq qorǵaý organdary tiisti sharalardy aiaqtaǵannan keiin náreste sábiler úiine tapsyrylady. Bul shamamen kelesi aptanyń ortasynda júzege asady», – dep málimdedi vedomstvonyń baspasóz qyzmeti.
Eske salaiyq, Aqtóbede qoqys arasynan shaqalaq tabylǵan bolatyn. Náresteni sol mańda oinap júrgen jasóspirimder baiqap qalyp, eresekterge habar bergen.
Atalǵan derek boiynsha politsiia qylmystyq is qozǵady. Sábidi qoqysqa tastap ketken ana izdestirilip jatyr, ázirge onyń kim ekeni anyqtalǵan joq.
