Atyraý oblysynda birneshe adamnyń ólimine qatysty rezonansty qylmystyq is boiynsha sot protsesi jalǵasyp jatyr. Kezekti otyrysta Sultan Sársemálievtiń lombardqa altyn buiymdardy ótkizgen sáti túsirilgen beinejazba kórsetildi, dep habarlaidy ult.kz dalanews.kz saityna siltep.
Sot barysynda aiyptalýshy keibir epizodtar boiynsha kinásin ishinara moiyndaǵanymen, birqatar aiyptarmen kelispeitinin aitqan. Atap aitqanda, ol Naýryz Muqanǵalievtiń ólimi qasaqana emes, abaisyzda bolǵanyn málimdegen.
Tergeý organdarynyń málimetinshe, psihologiialyq-psihiatriialyq saraptama qorytyndysy Sársemálievtiń qylmys jasalǵan sátte óz áreketine jaýap bere alatyn jaǵdaida bolǵanyn kórsetken.
Sondai-aq tergeý barysynda bul iske basqa adamdardyń qatysy anyqtalmaǵany habarlandy.
Qazir sot otyrystary jalǵasyp jatyr. Is materialdary men dáleldemeler kezeń-kezeńimen zerttelýde.
Eske salaiyq, Atyraý oblysynyń mamandandyrylǵan aýdanaralyq qylmystyq ister jónindegi sotynda burynǵy jubaiynyń tórt týysyn óltirdi dep aiyptalǵan Sultan Sársemálievke qatysty is qaralyp jatyr.
