Memleket basshysy jariialaǵan Volonter jyly – búkil respýblikadaǵy volonterlerdiń aýqymdy qozǵalysyn damytýǵa erekshe serpin berip otyr. Búkil volonter men erikti uiymdar bir komandaǵa birigip, kómekke muqtaj adamdarǵa qoldaý kórsetti. Bul týraly Volonter jylynyń jabylý saltanatynda Ulttyq volonterlik jeliniń tóraǵasy Vera Kim aitty, dep habarlaidy QazAqparat.
Onyń aitýynsha, Ulttyq volonterler jelisi eriktilerdiń Respýblikalyq front-keńselerdi basqarýǵa jáne volonterliktiń ártúrli baǵytyndaǵy 17 aimaqtyq keńseniń qyzmetin úilestirý qurmetine ie bolyp otyr.
Barlyǵynyń da biryńǵai QazVolunteer platformasynda tirkelýge múmkindigi bar. Ol platformada ártúrli jastaǵy 45 myńnan astam erikti jáne 3 myń uiym bar.
«Koronavirýs pandemiiasynyń saldarymen kúresý úshin barlyq aimaqtan 123 myńnan astam volonter tartyldy. 1 millionnan astam adamǵa kómek kórsetildi. Negizgi kómek tótenshe jaǵdai aiasynda jasaldy, eriktiler kópbalaly otbasylarǵa, meditsinalyq-áleýmettik mekemelerge azyq-túlik aparyp kómektesti. Keide qatty úreilengenimizdi de jasyrmaimyn», - dep oi bólisti Vera Kim.
Volonterler Prezidenttiń oqý oryndaryndaǵy volonterlik saǵattar men eńbek ótilderine bailanysty tapsyrmasyn zor qurmetpen qarsy aldy.
Ulttyq volonterlik jeliniń tóraǵasy volonterlik qyzmetti standarttaryn ázirlep, olardy qolldaýǵa qatysty usynysyn bildirdi.
«Bul baǵyttaǵy jumys erikti uiymdar men memlekettik qurylymdardyń ózara árekettese jumys júrgizýiniń jańa ári sapaly modelin qurýǵa kómektesedi», - deidi Vera Kim.
