Elimizde QazVac vaktsinasynyń 1-komponentin 41 myń adam aldy. Bul týraly QR DSM Sanitarlyq-epidemiologiialyq baqylaý komitetiniń tóraiymy Aijan Esmaǵambetova aitty, dep habarlaidy QazAqparat.
«QazVac vaktsinasy sáýir aiynyń sońynda jetkizile bastady. Sáýirdiń sońynda 50 myń, mamyrda taǵy da 50 myń vaktsina dozasy jetkizildi. Al maýsym aiynyń sońyna deiin 100 myń vaktsina dozasyn jetkizý josparlanyp otyr. Búginde QazVac vaktsinasynyń birinshi dozasymen shamamen 41 myń adam, ekinshi dozasymen 22 myń adam ekpe aldy. Barlyq óńirde vaktsina bar. Tek búgin Almatyda ǵana bitedi», - dedi komitet tóraiymy Ortalyq kommýnikatsiialar qyzmetindegi baspasóz máslihaty barysynda.
Sonymen qatar ol vaktsina óńirlerde jetkilik kólemde bolǵan kezde ony saýda ortalyqtarynan da alýǵa bolatyndyǵyn basa aitty.
«Bul oraida 50 myń doza QazVac vaktsinasy óńirler sheginde 2 myńnan 6 myń dozaǵa deiin bólinedi. Sondyqtan óńirler bul vaktsinany saýda ortalyqtaryndaǵy nemese densaýlyq saqtaý uiymyndaǵy ekpe pýnktterinde júrgizýdi ózderi sheshedi», - dedi Aijan Esmaǵambetova.
