ەلٸمٸزدە QazVac ۆاكتسيناسىنىڭ 1-كومپونەنتٸن 41 مىڭ ادام الدى. بۇل تۋرالى قر دسم سانيتارلىق-ەپيدەميولوگييالىق باقىلاۋ كوميتەتٸنٸڭ تٶرايىمى ايجان ەسماعامبەتوۆا ايتتى, دەپ حابارلايدى قازاقپارات.
«QazVac ۆاكتسيناسى سەۋٸر ايىنىڭ سوڭىندا جەتكٸزٸلە باستادى. سەۋٸردٸڭ سوڭىندا 50 مىڭ, مامىردا تاعى دا 50 مىڭ ۆاكتسينا دوزاسى جەتكٸزٸلدٸ. ال ماۋسىم ايىنىڭ سوڭىنا دەيٸن 100 مىڭ ۆاكتسينا دوزاسىن جەتكٸزۋ جوسپارلانىپ وتىر. بٷگٸندە QazVac ۆاكتسيناسىنىڭ بٸرٸنشٸ دوزاسىمەن شامامەن 41 مىڭ ادام, ەكٸنشٸ دوزاسىمەن 22 مىڭ ادام ەكپە الدى. بارلىق ٶڭٸردە ۆاكتسينا بار. تەك بٷگٸن الماتىدا عانا بٸتەدٸ», - دەدٸ كوميتەت تٶرايىمى ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
سونىمەن قاتار ول ۆاكتسينا ٶڭٸرلەردە جەتكٸلٸك كٶلەمدە بولعان كەزدە ونى ساۋدا ورتالىقتارىنان دا الۋعا بولاتىندىعىن باسا ايتتى.
«بۇل ورايدا 50 مىڭ دوزا QazVac ۆاكتسيناسى ٶڭٸرلەر شەگٸندە 2 مىڭنان 6 مىڭ دوزاعا دەيٸن بٶلٸنەدٸ. سوندىقتان ٶڭٸرلەر بۇل ۆاكتسينانى ساۋدا ورتالىقتارىنداعى نەمەسە دەنساۋلىق ساقتاۋ ۇيىمىنداعى ەكپە پۋنكتتەرٸندە جٷرگٸزۋدٸ ٶزدەرٸ شەشەدٸ», - دەدٸ ايجان ەسماعامبەتوۆا.
